Popular Bible Verses from Luca 12

Share

Sh-voi s-hits etinji, cã Hiljiu a Omlui yini tu atsea oarã tsi nu lu ashtiptats.”

Cãftats ma nãinti amirãriljea al Dumnidzãu sh-tuti aesti va vã si adavgã.

Deapoea lã dzãsi a lor: “S-avets cãshtigã sh-afirits-vã di orixea trã aveari, cã bana a omlui nu easti ligat di avearea atsea marea a lui.”

Cã aclo iu easti ayishtearea a voastrã, aclo va hibã sh-inima a voastrã.”

Cai di voi, cu tut cãshtiga a lui poati s-adavgã bana a lui unã oarã ma multã?

Deapoea lã-dzãsi a ucenitsilor a lui: “Trã atsea ma vã dzãc: Nu vã minduits trã bana a voastrã cã tsi va mãcats, nitsi di truplu a vostru cã tsi va nvishtetsã.

Ninga sh-perlji a caplui a vostru suntu tuti numirats. Trã atsea s-nu avets fricã. Voi axiusits ma multu di harabelji.

Nu ti-aspari, cupii njicã, cã a Tatãlui a vostru lj-arsi s-vã da amirãriljea.

Mutrits-lji corghilji: Atselji nitsi seaminã, nitsi seatsirã, nu au nitsi grãnar sh-nitsi hãmbar, sh-Dumnidzãlu lji hrãneashti. Ma voi custusits multu ma multu dicãt puljilji.

Nu mutrits tsi va mãcats sh-tsi va bets. S-nu avets gaile!

Atumtsea, macã Dumnidzãlu nveashti iarba a cãmpului tsi azã easti sh-mãni s-arucã tu cireap, cãt ma multu Dumnidzãlu vã nveashti voi, putsãn-pistimenji!

Nu easti tsiva anvãlitã tsi nu va s-dizvãleascã sh-ascumtu tsi nu va s-cunoascã.