Popular Bible Verses from Ioan 19

Share

Ma cãndu Isusul lo pusca, dzãsi: “S-featsi!” Sh-aplicãnda caplu, deadi suflitlu.

Dupã aestã, Isusul, shtinda cã tora tuti eara adrati tra si mplineascã Scritura, dzãsi, “Am seati.”

Isusul cãndu vidzu muma a lui shi ningã nãsã uceniclu tsi vrea, lji dzãsi a mumãljei, “Muljeari, ia, hiljilu a tãu!” Deapoea lji dzãsi a uceniclui: “Ia, muma a ta!” Sh-di atsea oarã uceniclu u lo Maria la casa a lui.

Cãndu vinirã la Isusul, sh-cum vidzurã cã elu tora avea murit, nu lji li frãmsirã cicioarili, ma un di suldatslji lji-u tsãpã coasta cu un gilit shi trãoarã lj-ishi sãndzi sh-apã.

Aesti lucri undzirã tra si mplineascã Scritura, “Nu va lji si frãngã nitsiun os.” Sh-unã altã Scriturã dzãtsi, “Va s-veadã atsel tsi au tsãpatã.”

Sh-elu, tsãnãnda crutsea a lui, ishi tu loclu tsi s-acljima “Cãpãtsãnã” (tsi tu uvreieshti s-acljeamã “Golgota”).

Suldatslji featsirã unã curunã di schinji, lji-u bãgarã n-cap sh-lu nviscurã cu un mantil di purpurã.