Popular Bible Verses from Galatsenji 5

Share

Ma frutlu a Duhlui easti, vrearea, haraua, pacea, arãvdarea, imireatsa, bunã-vrearea, pistimeniljea, frunimeatsa sh-contsãnearea. Contra atsilor nu ari lege.

Trã atsea vã dzãc: imnats tu Duh, sh-ashãtsi nu va s-mplinits orixili a truplui.

Macã bãnãm tu Duh, prindi s-imnãm dupã Duhlu.

Atselji tsi suntu tu Hristolu Isus lu au crutsisit truplu cu pasiunili sh-orixili a lui.

Faptili a truplui suntu vidzuti: putãnsirea, lãvushiturã, disfrãnarea, idulatria, mãyiia, dushmãnilji, ngrãnji, nchizmã, nãriri, ambitsili egoisti, dispãrtsãrili, ereziili, zilii, mbitãrili, chehili disfrãnati sh-alti ca aesti. Mini vã prihãbãrsescu, cum vã am dzãs sh-ma nãinti, cã atselji tsi fac ahtãri lucri nu va s-mushtineadzã amirãriljea a Dumnidzãlui.

Voi, frats sh-surãri, hits acljimats s-hits liberi. Ma nu u ufilisits aestã libertati tra si-mplinits orixili a truplui, ma ma ghini s-lji-huzmitipsits a un alantui cu vreari.

Cã orixili a truplui suntu contra a Duhlui, sh-Duhlu easti contra a orixilor a truplui. Elji ncuntreadzã un alantu sh-ashãtsi voi nu putets s-fãtsets atsea tsi vrets.

Cã tutã legea easti priadunatã tu aestã dimãndari: “S-vrei aproapilu ca bana a ta.”

S-nu nã alãvdãm cu cãrteari shi s-nu him nchizmataric cu un alantu.

Hristolu nã liberã tra s-him liberi. Stats vãrtoshi shi s-nu vã sumbãgats nãpoi sum giuglu a sclãyiiljei.