Popular Bible Verses from Efesienji 1

Share

Mi rog s-vã lunjineadzã ocljilji a ininjilor a voastri, tra s-cunushtets nãdia trã cai vã acljimã, s-cunushtets avearea a mushtiniriljei alãvdatã trã populu a Dumnidzãlui, sh-cãt mari easti putearea a lui cãtrã noi tsi pistipsim tu nãsu. Aestã fuchii easti idyia puteari a Dumnidzãlui tsi lucreadzã tu noi. Easti aestã puteari cu cai elu nyie Hristolu dit mortsã sh-lu bãgã tu nandreapta a thronlui a lui tu locurili tsereshti, lu bãgã pristi cathi stãpuiri sh-puteari, pristi cathi fuchii sh-domnilji sh-pristi cathi numã tsi s-cunoashti nu mash tu aestã etã, ma sh-tu atsea tsi va yinã.

Dumnidzãlu nã aleapsi nãinti di thimiljiusirea a lumiljei tu nãsu tra s-him sãmtsã sh-fãrã cusuri nãintea a lui, tu vrearea a lui. Elu nã arãdãpsi tra s-himã hiljashtsrã prit Isus Hristos cu arsirea sh-vrearea a lui

Elu nã arãscumpãrã prit sãndzili a lui sh-nã li ljirtã amãrtiili dupã avearili a harului a lui.

Alãvdat s-hibã Dumnidzãlu sh-Tatãl a Domnului a nostru Isus Hristos. Elu nã ari ghinicuvintat prit Hristolu tu locurili tsereshti cu cathi ghinicuvintari sufliteascã.