Popular Bible Verses from 2 Corintenji 12

Share

Ma Domnul nji dzãsi: “Ts-agiundzi harul a meu, cã putearea a mea s-fatsi perfectã tu slãbintsã.” Cu multã harauã va mi alavdu ma multu tu slãbintsãli a meali, cu nãeti tsi putearea a Hristolui s-armãnã tu mini.

Trã atsea, trã itia a Hristolui, mi hãrsescu tu slãbintsã, tu ngiurari, tu ananghi, tu priaĝuniri sh-tu strimturi, cã cãntsido tsi escu slabu, atumtsea escu vãrtos.

Sh-ca s-vream s-mi alãvdam, nu va eram zurlu, cã va dzãtseam alihea. Ma nu ma u dzãc tra s-nu mindueascã tsiniva trã mini nafoarã di atsea tsi veadi sh-avdi di la mini, trã itia a discupiririlor atsilor mãri. Trã atsea, tra s-nu mi alãvdam, nji si deadi un schin tu trup, un anghil di la Satan tra s-mi agudea, tsi mini s-nu mi alãvdam.