Popular Bible Verses from 1 Timoteu 3

Share

Shi fãrã shubei cã mistiryiul a pistiljei easti mari: Hristolu s-fãnirusi tu trup, s-ndriptã tu Duh, s-aspusi la anghilji, s-ghinihãbãrsi la pãngãnjlji, s-pistipsi tu lumi, s-anãltsã tu mãriri.

Lipseashti tsi episcoplu s-hibã fãrã cusuri, bãrbat a unei singur muljeari, mintimen, misurat, rispectat, oaspitor, cãdãr s-nveatsã sh-altsã

Elu prindi s-hibã om tsi u nicuchireashti ghini casa a lui sh-prindi s-aibã cilimenjlji ursits sh-cu multu rispect.

Diaconjlji s-hibã bãrbatslji a unei singur muljeari, s-lã nicuchireascã ghini cilimenjlji sh-alants oaminji ali fumealji. Cã atselji tsi au faptã ghini diaconia, amintã numã bunã shi mari sigurantsã tu pistea al Isus Hristos.