Popular Bible Verses from 1 Ioan 4

Share

Atselu tsi vrea, nu ari fricã, shi vrearea perfectã aĝuneashti frica, cã frica ari cu nãsã cãtãdzicãsirea, shi atselu tsi ari fricã nu easti perfectã tu vreari.

Voi hits di la Dumnidzãlu, ficiori, shi lji avets bãtutã atselji, cã Duhlu a Dumnidzãlui cai easti tu voi, easti ma mari di atselu tsi easti tu lume.

Noi lu vrem atselu, cã elu nã vru protlu.

Multu-vruts, s-lu vrem un-alantu, cã vrearea easti di la Dumnidzãlu shi caitsido tsi va, easti amintat di la Dumnidzãlu sh-cunoashti Dumnidzãlu.

Atselu tsi nu ari vreari nu lu ari cunuscutã Dumnidzãlu, cã Dumnidzãlu easti vreari.

Tu aestã easti vrearea: nu cã noi lu avem vrutã Dumnidzãlu, ma elu nã ari vrutã noi, shi pitricu Hiljilu a lui tsi s-li ljeartã amãrtiili a noastri.

Multu-vruts, macã Dumnidzãlu nã vru ashãtsi, shi noi prindi s-vrem un-alantu.

Tu aestã si fãnirusi vrearea a Dumnidzãlui ti noi, cã Dumnidzãlu pitricu Hiljilu a lui atsel unlu-amintat tu lumi, tsi noi s-bãnãm pri nãsu.

Ma s-dzãcã vãrã: “Mini lu voi Dumnidzãlu” shi aurashti fratili a lui, easti arãditor. Elu tsi nu va fratili a lui tsi lu veadi, cum poati s-aibã vreari trã Dumnidzãlu tsi nu lu-veadi?

Atselu tsi mãrtirseashti cã Isusul easti Hiljilu a Dumnidzãlui, Dumnidzãlu sta tu nãsu sh-elu tu Dumnidzãlu.

Sh-aestã easti ordinlu tsi avem loatã di la elu: atselu tsi va Dumnidzãlu, s-aibã vreari sh-trã fratili a lui.

Multu-vruts, nu pistipsits pri itsi duh, ma bãgats-lã tu provã duhurili, sã shtits mãcã suntu di la Dumnidzãlu, cã multsã prufits arãdioshi au ishitã tu dunjauã. Di aestã putets s-cunushtets Duhlu al Dumnidzãu: itsi duh tsi mãrtirseashti cã Isus Hristos ari vinit tu trup, easti di la Dumnidzãlu.

Shi itsi duh tsi nu mãrtirseashti cã Isus Hristos ari vinit tu trup, nu easti di la Dumnidzãlu. Aestã easti duhlu a Antihristolui tsi cum avets avdzãtã va yinã, shi tora easti tu lumi.