Popular Bible Verses from Roma 8

Share

W-ne7na mna3rif enno kell el-eshya bitsir la-kheyr yalle bi7ebbo ALLAH, yalle henne mad3ouwwin 7asab 2asdo.

W-ana m2akkad enno la el-mawt wala el-7ayet, wala el-maleyke wala rou2asa el-maleyke, wala el-7ader wala el-mousta2bal, Wala 2ouwwet el-ard wala 2ouwwet el-sama, wala shi bel-khali2a kella bye2dar enno yofsolna 3an ma7abbet ALLAH bel-MASI7 YASOU3 RABNA.

W-byeje el-ROU7 kamen yesh2ol do3fna. W-ne7na ma mna3rif keef nsalle metl ma lezim, bass el-ROU7 byetshaffa3elna eddem ALLAH w-bi3enn 3annet fo2 el-wasf.

W-min ba3d hayda kello, shou min2oul? Eza ken ALLAH ma3na, meen bikoun doddna?

Ye3ne ma fi-7ekm min ba3d halla2 3a-yalle henne bel-MASI7 YASOU3

El-ehtimem bel-jesm mawt, wel-ehtimem bel-rou7 houe 7ayet w-salem

Bass ba3d kell hal-msayeb ra7 nontosir bi-yalle 7abbna.

W-bshouf enno ãlemna bi-hal-dene ma bten2ãs bel-majd yalle ra7 yezhar fina.

W-meen byofsolna 3an ma7abbet el-MASI7? El-shedde aw el-di2a aw el-edtihad aw el-jou3 aw el-3oure aw el-khatar aw el-seyf?

W-ALLAH yalle bishouf shou fi bel-2loub bya3rif shou baddo el-rou7, w-keef enno byeshfa3 lal-2eddisin 7asab iradto.

W-yalle bi2oudon ROU7 ALLAH henne kellon wled ALLAH

W-yalle 3ayshin metl ma baddo el-jesm, byehtammo bi-oumour el-jesm, w-yalle 3ayshin metl ma baddo el-rou7, byehtammo bi-oumour el-rou7.

ALLAH yalle ma tbekhal 3leyna bi-2ebno, w-sallamo lal-mawt kermelna kellna, keef ma baddo ya3tina ma3o kell shi?

W-hayda el-rou7 byesh'had ma3 arwe7na enno ne7na wled ALLAH. W-eza ne7na wled ALLAH, ye3ne mnourat kamen: mnourat ALLAH w-minsherik el-MASI7 bel-werte, minsherko bi-ãlemo ta-nsherko kamen bi-majdo.

li2anno el-ehtimem bel-jesm houe tamarrod 3ala ALLAH, w-houe mish khadi3 la-shari3et ALLAH wala bye2dar enno yokhda3la.

Wel-khali2a natra bi-feregh el-sabr zouhour wled ALLAH.

W-ne7na mna3rif enno el-khali2a kella 3am bit3enn w-tetmakhad la-liom, metl el-mara yalle 3am bitwallid.