Popular Bible Verses from रोमी 16

Share

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

थोक्‍ते मिओनगीचेन प्रभु ख्रीष्‍टला माने खिते साटोला खालि साच्‍या थुङच्‍ये बातताङ खोपरोङला जे जे खिता सेम लाङगीदुक थे थेराङ खिओ। थेबेकीनी स्‍यीम्‍बु स्‍यीम्‍बु बात खाला खोलु खिन साधा सुधोते मिओनला डिकस्‍यिकला ङ्योल्‍च्‍येते कामकामा खिओ।

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात थाचेन परमेश्‍वरगी मिओनला छ्या स्‍ये च्‍युत्‍कीन बिन्‍दा ओत। दि गा लाङच्‍येते बातकी विषयलाचेन परमेश्‍वर बात खित्‍कान्‍तेबेकीङ गोमाका टिबा ओतान। सधैँ देत्‍कान्‍ते परमेश्‍वरगी दोकराङ ओङस्‍यीत साकीन जात जातकी मिकी थे खोरोङला विश्‍वास खाला थेकी साबाते ङेन्‍स्‍यीत सिन गाङेपा गा लाङच्‍येते बात लाप्‍कीन बिन्‍दा ओत। थेत्ताङकामा दोक खाला काम खित्‍च्‍येते छ्येज्‍यीक बुद्धि ओत। दोक छ्येते परमेश्‍वरला गाङेकी येशू ख्रीष्‍ट छ्य्‌वापेकी सधैँभरि जय जय ओङस्‍यीत सिन सिइ। आमेन।