Popular Bible Verses from लुका 12

Share

एन्‍साङ नेलाइ बुङ चालाक जेङतेङ हिसु। हाइदोनु का द्‌याङको चान हिदोइ पहर ल्‍वाङका नेलाइ मामा गिस्‍वाना।”

कालाउबुङ लाम्‍फा परमेस्‍वरको सारभिहेङ भोसु कालाउ वा इदोइ गोताङ थोक नेलाइहेङ थपिप्‍यावा।”

वा एम्‍बालाइहेङ दोअ्‌हि, “होस पासु, गोताङ खाल्‍को इछासो जोगिका काम पासु, हाइपानु द्‌याङको जिबन वाको टाका काउरि जेथे दोङ हेन्‍जा हिलाउ बुङ इङको द्‌याङहेङ जातिङको जिबनचाहिँ माप्‍यावा।”

हाइदोनु जेता नेलाइको टाका काउरि हि, इन्‍ताङ नेलाइको मन बुङ ह्‍यावा।”

“हाइ नेलाइता हासु बुङ सुरतापातेङ ताइको आयु एअ्‌घुरिको भाअ्‌सिङ बार्‍हेपालि दोस्‍वाना?

इङकोन्हुअ्‌सो इसु चात्‍यागेलाइहेङ दोअ्‌हि, “एन्‍साङ का नेलाइहेङ दोअ्‌ताङका बान्‍चिलिको भाअ्‌सिङ हाइ चाङका हाइ लागायाङका दोअ्‌तेङ सुरता मापासु।

हाइदोनु परमेस्‍वर नेलाइको एलोङ एलोङपा पुरिङको पुसिङ सुदाङ गान्‍देका हि। एन्‍साङ माथिसु, नेलाइते बागाराइ खान्‍तेङ हेन्‍जा मोलको हिसुन्‍हा।

इसु ताइको चात्‍यागेलाइहेङ दोअ्‌हि, “ओइ म्‍हुइका जेरको काङको चात्‍यागेलाइ, नेलाइ माथिसु! हाइदोनु परमेस्‍वर आबा नेलाइहेङ ताइको सारभि पिलि लेङचाका हि।

काह्‍वागेलाइहेङ खाङसु! एम्‍बालाइ मिलिङ बुङ माचोइखे, रोपाबुङ माथिङखे, कालाउ बालि नालि चेतेङ भाकारता बुङ मासान्‍तेखे। कालाउ परमेस्‍वर एम्‍बालाइहेङ चापादोङखे। खाङसु, नेलाइते इङको जिह्‍याँ जुइलेङ खान्‍तेङ बुङ हेन्‍जाङ मोलको हिसुन्‍हा।

हाइ चाङका रो हाइ लागायाङका दोअ्‌तेङ भोतेङ माहिसु कालाउ इङकोको भाअ्‌सिङ सुरता बुङ मापासु।

नानि माउलाइका कालाउ जुम्‍नि दोङ चुअ्‌तेङ ओअ्‌पाका घासिहेङ बुङ परमेस्‍वर एसापा वास्‍तापाखे दोअ्‌लाउ हाइ वा झन नेलाइहेङ वास्‍ता मापावा कुनु? खोइ नेलाइको खान्‍धुर?

हाइदोनु थुमन्‍हाका काथा जेथे हि, इङको गोताङ एअ्‌नि तिनावा। म्‍होअ्‌न्‍हाका काथा जेथे हि, इङको गोताङ परमेस्‍वर तिमप्‍यावा।