Popular Bible Verses from ဟဂ္ဂဲ 2

နောက်​တည်​သော ဤ​အိမ်​တော်​သည် အ​ရင်​အိမ်​တော်​ထက် ဘုန်း​သာ၍ ကြီး​လိမ့်​မည်​ဟု၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ၏။ ဤ​အ​ရပ်၌​လည်း ငြိမ်​သက်​ခြင်း​ကို ငါ​ပေး​မည်​ဟု၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​၏။

လူ​မျိုး​အ​ပေါင်း​တို့​ကို​လည်း ငါ​လှုပ်​ဦး​မည်။ လူ​မျိုး​အ​ပေါင်း​တို့ နှစ်​သက်​ဖွယ်​သော​အ​ရာ​သည် ရောက်၍၊ ဤ​အိမ်​ကို​ဘုန်း​နှင့် ငါ​ပြည့်​စုံ​စေ​မည်​ဟု၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​၏။

သို့​သော်​လည်း၊ အို ဇေ​ရု​ဗ​ဗေ​လ၊ အား​ယူ​လော့​ဟု၊ ထာ​ဝ​ရ​ဘု​ရား​မိန့်​တော်​မူ၏။ အို ယဇ်​ပု​ရော​ဟိတ်​မင်း ယော​ဇ​ဒက်​သား​ယော​ရှု၊ အား​ယူ​လော့။ အို ပြည်​သူ​ပြည်​သား​အ​ပေါင်း​တို့၊ အား​ယူ​ကြ​လော့​ဟု၊ ထာ​ဝ​ရ​ဘု​ရား မိန့်​တော်​မူ​၏။

အဲ​ဂု​တ္တု​ပြည်​မှ ထွက်​သော​အ​ခါ သင်​တို့​နှင့် ငါ​ဖွဲ့​သော ပ​ဋိ​ညာဉ်​စ​ကား​နှင့်​အ​ညီ ငါ​သည် သင်​တို့​နှင့်​အ​တူ​ရှိ​၏။ ငါ​၏​ဝိ​ညာဉ်​တော်​သည် သင်​တို့​တွင် နေ​ရာ​ကျ၏။ မ​စိုး​ရိမ်​ကြ​နှင့်​ဟု၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​၏။