Popular Bible Verses from Vei Ira Na Kai Roma 6

Share

Ni sa kenai sau ni valavala ca na mate: ia sai solisoli walega ni Kalou na bula tawa mudu, e na vuku i Jisu Karisito na noda Turaga.

Ni na sega ni veitaliataki kemudou nai valavala ca: ni dou sa sega ni lewai e na vunau, e na loloma ga.

O koya eda sa bulu vata kaya kina, ni da sa papitaisotaki ki na nona mate: me vaka ni sa vakaturi cake tale mai na mate ko Karisito e na kaukauwa nei Tamana, me da valavala vaka talega kina e na bula vou.

Kakua talega ni solia na veitikimudou ki nai valavala ca me caka kina na ka ca: dou soli kemudou ga vua na Kalou, me vaka dou sa bula mai na mate, kei na veitikimudou vua na Kalou me caka kina na ka e dodonu.

ni da sa kila o qo, ni rau sa lauvako vata kaya ki na kauveilatai na noda tamata makawa, me takali kina na yago ni valavala ca, me da kakua tale ni qarava nai valavala ca.

Mo dou vaka talega kina ni dou sa vakasami kemudou ni dou sa mate sara ki nai valavala ca, ka bula vua na Kalou e na vuku i Jisu Karisito na noda Turaga.

A CAVA me da qai kaya? eda na valavala ca tiko li, me tubu vakalevu kina na loloma? E segai sara. Oi keda sa mate ki nai valavala ca, eda na valavala vakakina vakaevei?

Dou sa sega beka ni kila, o koya yadua dou sa soli kemudou me nona tamata mo dou talairawarawa vua, dou sa nona tamata ga dou sa talairawarawa kina; se ki na caka cala mo dou mate kina, se ki na caka dodonu mo dou vakadonui kina?

Ia me ia na vakavinavinaka vua na Kalou, ni dou sa muria, mai na vu ni yalomudou, koi kemudou kai talatala ni valavala ca, nai vakarau ni vakavuvuli dou sa vakatavulici kina. Ia ni dou sa qai sereki mai nai valavala ca, dou sa yaco mei talatala ni valavala dodonu.