Popular Bible Verses from Vei Ira Na Kai Roma 14

Share

ni sa sega ni kakana se ka-ni-gunu na matanitu ni Kalou; a ya ga na yalododonu, kei na vakacegu, kei na reki e na Yalo Tabu. Ni sai koya sa qaravi Karisito e na veika o qo, sa vinaka vua na Kalou, a sa vinakati koya talega ko ira na tamata.

Io, kevaka eda sa bula, eda sa bula e na vuku ni Turaga; se da mate, eda sa mate e na vuku ni Turaga: o koya o qo eda sa nona kina na Turaga, se da bula se da mate.

O koya o qo me da muria kina na veika ni veivinakati, kei na veika ni veivakatavulici

O koya me da qai kakua tale ni veilewayaki tiko; o qori ga vakalevu, mo dou lewa, me kakua e dua me tokara e dua na ka e na mata ni wekana me tarabe kina se bale kina.

Ni sa volai, Sa taya na Turaga, me vaka kaʼu sa bula, ena tekiduru vei au ko ira na tamata kecega, ia ena vakatusa vua na Kalou na yame kecega. O koya o qo eda na vakatusai keda kecega kina vua na Kalou.

O KOYA sa malumalumu na nona vakabauta dou kauta vei kemudou, e sega ga ni sa lewai tiko na veika e dauveibitaki.

O cei ko iko mo lewa na tamata ni turaga tani? ena tu ko koya, se bale, vua na nona turaga. Io, ena tu dei ga: ni sa rawarawa vua na Kalou me vakataudeitaka.