Popular Bible Verses from Vei Ira Na Kai Roma 12

Share

Ia dou kakua ni vakatauvatani kemudou kei ira era sa vakavuravura: ia dou mataliataki ga ni sa vakavoui na yalomudou, mo dou kila rawa kina na veitalia ni Kalou, a ya sa yaga, ka vinaka, ka dodonu sara.

O KOYA o qo, au sa vakamamasu vei kemudou, na veiwekani, e na vuku ni loloma vakavuqa ni Kalou, mo dou solia na yagomudou mei madrali bula, me savasava, me vinaka vua na Kalou, me nomudoui soro vakayalo.

dou reki e nai nuinui; vosota na ka rarawa; ia tikoga na masu

Me kakua ni rawai iko na ca, mo rawa ga na ca e na vinaka.

Dou veilomani sara e na veilomani ni veitacini; dou veiuasiviti e na veivakarokorokotaki

Me kakua ni vakailasu na loloma. Mo dou cata sara na ka ca; mo dou kabita sara na ka vinaka.

Kevaka sa rawa, mo dou vakatovolea me veilomani kei ira na tamata kecega.

Oi kemudou sa lomani, dou kakua ni saumi kemudou, ia mo dou vakaberaberataka ga na cudru; ni sa volai, A noqui tavi na cudru; au na sauma koi au, sa kaya na Turaga.

e na gumatua mo dou kakua ni vucesa mai: me katakata na yalomudou; mo dou qarava na Turaga

Ia me vaka na loloma walega sa soli mai vei au, au sa kaya kina vei ira yadua na tamata vei kemudou, me kakua e dua me dokai koya me vaka sa sega ni dodonu me dokai koya; me yalomatua ga na nona nanuma, me vaka nai vakarau ni vakabauta sa vota ko na Kalou vei ira yadua.

Kakua ni veisausaumitaka na nona ca e dua. Nakita eliu na veika sa dodonu e na matadra na tamata kecega.

Dou lomavata tiko vakai kemudou. Kakua ni nanuma na veika vakaturaga, ia mo dou veiriti kei ira na kaisi. Dou kakua ni vakasami kemudou ni dou sa vuku.

O koya mo qai vakania na nomu meca, kevaka sa viakana; kevaka sa viagunu, mo vagunuvi koya: ni ko na binia na qilaiso sa waqa tu ki na uluna, e na nomu kitaka na ka o qo.

Dou vosavakalougatataki ira era sa vakacacani kemudou: vosavakalougatataka ga, ka kakua ni rukaka. Dou reki vata kei ira era sa reki, ka tagi vata kei ira era sa tagi.

veivotayaka vei ira na dravudravua era sa lotu; vakasaqara me daukaroni ira na vulagi.

Me vaka ni sa dua bauga na yagoda, ka vuqa na tikida, ia ka sa sega ni vakaitavi vata na tikida kecega; sa vakakina koi keda, na lewe vuqa, eda sa yago vata e na vuku Karisito, eda sa veitikina vata talega vakai keda.