Popular Bible Verses from Vei Ira Na Kai Roma 10

Share

Kevaka ko na vakatusa e na gusumu na Turaga ko Jisu, ka vakadinata e na vu ni yalomu ni sa vakaturi koya cake tale mai na mate ko na Kalou, o na bula.]

Ni sa yalona sa vakadinata kina ko na tamata me vakadonui kina, a sa gusuna sa vakatusa kina me bula.

Eda sa kila kina ni sa rawa na vakabauta e na vakarorogo, kei na vakarorogo e na vosa ni Kalou.

Ni sa kaya nai Vola, O koya yadua sa vakabauti koya ena sega ni madua. Ni sa tautauvata na Jiu kei koya sa matanitu tani: ni sa dua bauga na Turaga vei ira kecega, o koya sa vutu ni ka vinaka vei ira kecega era sa masuti koya. Ni na bula ko ira vakaaduaga era sa masuta na yaca i Jiova.

Ia era na tukuna vakacava, kevaka era sa sega ni talai? me vaka na ka sa volai, Sa lagilagi sara na yavadra era sa tukuna na vakacegu, era sa tukuna na veika vinaka!

Era na qai masu vakacava vua era sa sega ni vakabauta? a ra na vakabauti koya vakacava era sa sega ni rogoca kina? a ra na rogoca vakacava, kevaka c sega e dua me tukuna?

Ni sa vakayacora ko Karisito na ka sa nakiti e na vunau, me vakadonui ko ira kece era sa vakabauta.