Popular Bible Verses from Maciu 24

Share

Ia ni sa tubu vakalevu nai valavala ca, ena liliwa mai na nodra loloma na lewe vuqa. Ia ko koya ena vosota me yacova nai vakataotioti, ena vakabulai ko koya.

Ia ena vunautaki e vuravura taucoko nai tukutuku-vinaka o qo ni matanitu, mei vakadinadina ki na veivanua kecega; sa na qai yaco mai emuri nai vakataotioti.

Ia dou na rogoca nai valu, kei nai rogorogo ni valu: dou raici kemudou vinaka mo dou kakua ni kidroa: ni sa kilikili me yaco na ka kecega o qo, ia ka sa bera ga nai vakataotioti.

Ni na veibolebolei na veivanua e so, kei na veimatanitu e so: ena yaco talega na dausiga, kei na mate ca, kei na tavuki ni vanua, e na yasana e vuqa Ia na ka kecega o qo nai vakatekivu ni ka rarawa.

Ena takali ko lomalagi kei vuravura: ia na noqu vosa ena sega ni takali.

Ni ra na lewe vuqa era na lako mai e na yacaqu, ka kaya, Oi au na Karisito; ia ka lewe vuqa era na vakacala.

Dou na qai soli yani me vakararawataki, ka dou na vakamatei; ia dou na cati vei ira na lewe ni veivanua kecega e na vuku ni yacaqu. Ia ena lewe vuqa era na qai tarabe, a ra na veisoliyaki, ka veicati. Ena lewe vuqa talega na parofita vakailasu ena tubu cake mai, ia ka lewe vuqa era na vakacala.

A sa vosa ko Jisu, ka kaya vei iratou, Raica vinaka de vakacalai kemudou e dua.

O koya mo dou qai vakararau tu, koi kemudou talega: ni sa lako mai na Luve ni tamata e na tiki-ni-siga dou sa sega ni nanuma kina.

O koya mo dou qai vakatawa; ni dou sa sega ni kila na tiki-ni-siga sa lako mai kina na nomudou Turaga.

Ia na siga ko ya kei na tiki-ni-siga ko ya sa sega e dua e kila, o ira na agilose mai lomalagi e segai, ia ko koya duaduaga na Tamaqu.

Ni na tubu mai na Karisito vakailasu e so, kei na parofita vakailasu e so, a ra na vakatakila na veivakatakilakila lelevu kei na veika e veivakidacalataki; ia ke rawa, ke ra na vakacalai ira talega na digitaki

Ia me vaka dina na siga i Noa, ena vaka talega kina na nona lako mai na Luve ni tamata: ni na vaka ni ra sa kana e so, ka gunu, sa vakawati ka veimusumusukitaki me ra vakawati, e na gauna sa liutaka na waluvu, ka yacova na siga sa curu kina ko Noa ki na waqa: a ra sa sega mada ni kila eliu, a sa qai yaco dina na waluvu, ka kauti ira kece yani; ena vaka talega kina na nona lako mai na Luve ni tamata.