Popular Bible Verses from Maciu 16

Share

Sa qai kaya ko Jisu vei iratou na nona tisaipeli, Kevaka e dua sa via muri au, me kakua ni muria na lomana, ia me colata na nona kauveilatai, ka muri au.

Au sa kaya talega vei iko, O iko ko Petero, ia e dela ni vatu o qo kaʼu na tara kina na noqui vavakoso-lewe-ni-soro; ia ena sega ni rawata ko na matamata-ni-koro ni etesi.

Au na solia talega vei iko nai dola ni matanitu vakalomalagi: ia na ka kecega ko na vauca e vuravura, ena vauci mai lomalagi: ia na ka kecega ko na sereka e vuravura, ena sereki mai lomalagi.

Ia ko koya yadua sa via maroroya na nona bula, ena vakayalia: ia ko koya yadua ena vakayalia na nona bula e na vukuqu, ena maroroya.

Ia ka cava na kena yaga vua na tamata, kevaka e rawati vuravura kecega, ka vakayalia na yalona? se cava ena solia na tamata mei sau ni yalona?

Sa qai kaya vei iratou ko koya, Ia dou sa kaya se ko cei koi au? Sa qai vosa ko Saimoni Petero, ka kaya, O iko na Karisito, na Luve ni Kalou bula.

A sa vosa ko Jisu, ka kaya vua, O sa kalougata, Saimoni Pari-Jona: ni sa sega ni vakarairaitaka vei iko na lewe kei na dra, a ya ga na Tamaqu sa tiko mai lomalagi.