Popular Bible Verses from Maciu 15

Share

Ia na veika sa curu yani mai na gusu, sa lako dina mai na yalo; a veika ga o qo sa vakadukadukalitaka na tamata. Ni sa curu yani mai na yalo na nanuma ca, na daulaba, na dauyalewa, na daudara, na daubutako, na veibeitaki vakailasu, na vosa vakacaoa

a ka sa curu ki na gusu sa sega ni vakadukadukalitaka na tamata; ia na ka ga sa lako mai na gusuna, o koya ga o qori sa vakadukadukalitaka na tamata.

O ira na tamata o qo era sa toro voleka vei au e na gusudra, a ra sa vakarokorokotaki au e na bele-ni-gusudra: ia na yalodra sa yawa tani vei au: a sa sega ni yaga na nodra masuti au, ni ra sa vakatavuvulitaka na vunau ni tamata mei vakavuvuli.

Sa qai vosa ko Jisu, ka kaya vua, Yalewa, sa levu na nomu vakabauta: me yaco vei iko me vaka na ka ko vinakata. A sa bula na luvena-yalewa e na tiki-ni-siga ko ya.

Sa qai lako mai na yalewa, ka cuva vua, ka kaya, Turaga, vukei au mai. A sa vosa ko koya, ka kaya, Sa sega ni vinaka me kauta na kedra na gone, ka biuta vei ira na koli. A sa kaya na yalewa, E dina ya, Turaga: ia ko ira na koli era kania na meme ni kakana sa qeqera mai nai kanakana ni nodra turaga.