Popular Bible Verses from Ai Vola I Isaia, na Parofita 40

Share

Sa dausolia vei ira e malumalumu na kaukauwa; ia vei ira sa ra sega ni gumatua rawa ena vakalevutaka na kaukauwa.

Io era na malumalumu ka oca ga na cauravou, a ra na bale sara na tamata bula: ia ko ira era sa namaki Jiova era na vakaukauwataki tale; era na cabe cake me vaka era vakatabana vakaikeli; era na cici, ka sega ni oca, era na lako tu, ka sega ni malumalumu.

Sa sega beka ni kila ko iko? sa sega ni ko rogoca? o koya sa Kalou tawa mudu, o Jiova, o koya ka bulia nai yalayala kei vuravura; ena sega ni malumalumu ko koya, ena sega ni oca; sa sega ni vakadikevi rawa na nona vuku.

A domo i koya sa kacikaci e loma ni veico, Dou caramaka na sala i Jiova, cakava me dodonu e na vanua dravuisiga na salatu ni noda Kalou

Sa daumalai na co, a sa daumira na sena, ia na vosa ni noda Kalou ena tu dei ka tawa mudu.

ena qai vakarairaitaki mai nai ukuuku i Jiova, a ra na raica vata na tamata kecega: ni sa cavuta na gusu i Jiova.

ena vakasinaiti na buca kecega, ka vakalolovirataki na ulu-ni-vanua kei na ulu-ni-koro kecega; na tikina sa veve ena caka mo dodonu, kei na tikina sukusukura me logalogavina-ka

ena vakani ira na nona sipi me vaka nai vakatawa; ena kumuni ira na luve ni sipi e na ligana, ka kauti ira voli e na lomaserena; o ira era vaqeqe voli ena tubera vakamalua ko koya.

Dou ta cake e na matamudou, ka rai yani; o cei ka bulia na ka o qori? ka sa kauta vakamataivalu mai na kedrai vavakoso? sa kacivi ira kecega e na yacadra, e na vuku ni sa kaukauwa levu, ka daugumatua sara; sa sega e dua sa yali.

Sai koya ga sa tiko maicake ka toka era ko vuravura, ia na lewena era sa vaka na vodre; sai koya ga sa tevuka, me vaka sa gatu, na mata-ni-lagi; ka birika, me vaka sa vale malo, mei tikotiko

Dou vosaveivakacegui ki Jerusalemi, ka tukuna vua, ni sa oti na nona gauna ni oca, ni sa bokoci na nona caka cala; ni sa cudruvi vakarua ko koya e na liga i Jiova e na vuku ni nonai valavala ca kecega.

Sa kaya e dua na domo, Mo kacikaci! A sa kaya ko koya, A cava meʼu sa kacivaka? Sa co na tamata kecega, ka vaka na se ni co na kedrai ukuuku kecega: sa daumalai na co, a sa daumira na sena, ni sa uvuca na cegu i Jiova: e dina era sa co na tamata.

Raica, na Turaga ko Jiova ena lako vakaukauwa mai, ia na ligana ena ia na lewa e na vukuna: raica, na nonai voli sa tiko ga kaya, kei na ka ni nona cakacaka e matana

DOU vakacegui ira, dou vakacegui ira na noqu tamata, sa kaya na nomudou Kalou.

O cei sa vakarauta na wai e na qeteqete ni ligana, ka cagava na lomalagi, ka kumuna vata e nai vakarau na qele kei vuravura, ka tabea e nai vakarau ni bibi na ulu-ni-vanua, kei na ulu-ni-koro e nai vakatovotovo? O cei sa kila rawa na Yalo i Jiova, se ko cei me nonai vakavuvuli me vakavulici koya? Erau sa bose vata kei cei, se ko cei sa vakavukui koya, ka vakavulici koya e nai valavala ni lewa, ka vakavulica me vuku; ia na sala vuku, ko cei sa vakatakila vua?