Popular Bible Verses from Ai Vola I Isaia, na Parofita 26

Share

O koya sa lomadei vei iko ko na maroroya me vakacegu sara: e na vuku ni sa vakararavi vei iko.

Dou vakararavi vei Jiova ka tawa mudu, ni sa uluvatu e tawa oti rawa na Turaga ko JIOVA.

E na vu ni lomaqu kaʼu sa domoni iko e na bogi; io, e na vu ni yaloqu kaʼu sa qarai iko e na mataka: ni ko sa qai cudruvi vuravura, era na vulica nai valavala dodonu na lewe i vuravura.

I Jiova, ko na lewa me neimami na vakacegu: ni ko sa cakava kecega vei keimami na cakacaka e na vuku i keimami.

Io, e na sala ni nomu lewa dodonu, Jiova, keimami a waraki iko; sa gadreva na yacamu na yalo i keimami, kei na ka ko sa nanumi kina.

A nodra sala na yalododonu sa dodonu sara: o iko, na yalododonu sara, ko na vakadodonutaka na nodra sala na yalododonu.

Ni sa vakatikori ira sobu ko koya era a tiko ecake; sa biuta sobu na koro cecere; sa biuta sobu sara ki na qele; sa vakotora ki na kuvu-ni-soso.

Dou dolava na matamata-ni-koro, me curu kina na matanitu yalododonu e sa taura tiko na dina.