Popular Bible Verses from Nai Vakatekivu 37

Share

A sa tadrataka na tadra ko Josefa, ka tukuna vei ira na tuakana: a ra sa qai cati koya vakalevu.

A sa levu na loloma i Isireli vei Josefa, ka lailai vei ira kecega na luvena, ni sa luvena ni sa qase: a sa cakava vei koya e dua nai sulu veivolavolai.

Ia ni ra sa raica na tuakana ni sa levu na loloma i tamadra vei koya, ka lailai vei ira kece na tuakana, era sa cati koya, a ra sega ni vosa vinaka rawa vua.

A sa tadrataka e dua tale na tadra ko koya, ka tukuna vei ira na tuakana, a sa kaya, Raica, kaʼu sa tadrataka e dua tale na tadra; ka, raica, sa rokovi au na siga, kei na vula, kei na kalokalo e tinikadua.

A sa vuvutaki koya ko ira na tuakana; a sa nanuma tiko na vosa ko tamana.

A sa kaya vei ira ko koya, Dou rogoca mada na tadra o qo kaʼu sa tadrataka: raica, eda a vau sila tiko mai na were, ka, raica, sa tu cake na noqui vau, ka wavu tu; ka, raica, sa tu vakavolivolita na nomudoui vau, ka rokova na noqui vau.

tou ia, tou vakamatea, ka biuta ki na dua nai keli: eda na qai tukuna vakane, Sa dua na manumanu ca sa kania: eda na qai raica se na yaco vakacava na nona tadra.

A sa lako voli yani e so na kai Mitiani, na tamata dauveivoli; a ra sa yavia ka laveti Josefa mai nai keli, ka ra volitaki Josefa vei ira na luve i Isimeeli, a sa ruasagavulu na siliva na kenai voli; a ra sa kauti Josefa ki Ijipita.

A ra sa veikayaki vakai ira, Raica, sa lako mai na dautadra o qori

A ra sa kunei koya ni sa vakayawa, ni sa bera ni voleka vei ira, a ra sa bukia na kena vere me vakamatea.

Sa kaya vei ira talega ko Rupeni, Dou kakua ni vakadave dra, dou biuti koya ga ki nai keli o qo e na lekutu, mo dou kakua ni vuetaka; ka me vakabulai koya mai na ligadra, ka vakasuka tale vei tamana.