Popular Bible Verses from Dodadi 26

Share

De Ngohi toigo la nenangoka dika nogogere de Ngohi toniniiki de tonihiowa o tonakoka naa. Angamoi o Kanani ma tonaka mata-mataika naa ahao tonihidoaka ngonaika de ani totoforaukuikaoo tahidoaka abe ahi behehongo ani baba o Abarahaamika kiani idadi imaketero abe hoka ma dodihiraka tihibehehongoka de o dodunguu ma gou-goungu.

Ho to ngona ani totoforauku ahao tahidadi duru yowoe-woeuku hiadono hoka o murumu o dihangoka manga ngoe de onangika tahidoaka ma tonaka mata-mata naa. De ani totoforaukuino ahao o nyawa utu ma owa yakokimake ngaro o dunia ma amokika. De ma owa gea yamake angamoi ani baba o Abarahaama wohihingounu Ngohi. Abe ngaro ahi hiaturu, de ahi huhuloko, de ahi behehongo unangika, de ahi pareta mata-mataika ma una woigo waniiki abe iti to Ngohi ahi demo mata-mata de una ka wohihigihene.” Hokogea Ma Jou ai demo o Isakika.

Ho yomaturuuruoli o Isaka, de ai nyawa, de ai duduono mata-mata yomaturuuru. Ho ahao o humu moioli yofaiti de ma moioli o akere yamake. Masara ko yaiwa ma nyawa genangoka abe yahikangela ma titi manga humu gea ho o Isaka wohiromanga o Rehoboto ma humu abe ma titi o gupa kohaamokika. Abe wotemo wato, “Nenangoka Ma Jou o Yawe wonahidailakoka o tonaka naa abe inawedono hiadono nanga kuranga ko iwa de ka idadi nanga datomo de nanga dofo de ma hasiloka.”

De genangoka Ma Jou o Yawe womahimatoko o Isakika de wihingahu unangika wato, “Isaka, ngaro ufa nogila-gila o Mesiiri ma tonakika, ma, o kiaka abe tonihidumutu, genangoka dika nogogere.

Ho genangoka o Isaka manga huhuba ma ngi wodiai la ka idadi o aewani yomahihuba Ma Jou o Yaweika de iwihigiriiri. De o Isaka ai tau o ngoerino wohigokoiye genangoka de ai gogilaongo manga humu moioli yomabaiti genangoka.