Popular Bible Verses from Dodadi 25

Share

Ho momaniata Ma Jou o Yaweiye de Una womipaluhu wato, “O ngo Ribeka, ani ngofaka ma ngioka naga o nyawa manga dutu yahinooto, De ani totoforauku o doomu hinooto gea ahao yomakokitingakika, De o doomu hinooto gea naga moi abe onangohi duru de manga buturungoka, Abe o riaka to una ai totoforauku ahao o dodoto ai totoforauku yaleleani.”

Ka de woboa de duru wiboaka ai dodotika wato, “Yakubu, nomataiti etohonenge! Ho ngona nomataiti nohihidoaka ani inomo ma doka-dokara gea!”

Masara ngaro yoilaka ma dekanoka ma o ngo Ribeka ami ngofaka ko iwa. Ho o Isaka womigahoko Ma Jou o Yaweiye la ka idadi o ngofaka mamake. De Ma Jou o Yawe wihigihene o Isaka ho ahao o ngo Ribeka ka idadi o ngofaka mamake ho muna de ami badangoka.

De o Esau wato, “Abeika, ngohi naa ngade-ngade tohonenge ho ko iwa ahi utumu ahi oarino gea nako tohonengoka. Ho ani inomo gea nohihidoakoka dika!” Hokogea o Esau ai hafini ma demo. Masara o Yakubu ka wotemohi wato, “Kiani ani demo nagou-goungu nohihibehehongo ngohino nato, ‘Ngohi o Esau o riaka tonihibehehongo ahi dodotika abe to ngohi ahi oara ma oraha o baba wohonenge, naa tihidoakoka o Yakubika ahi dodotika.’ Kiani hokogea notemohi de ahao tonihidoaka.” Ho o Esau duru o demo gea waniiki itiai wihibehehongo o Yakubika de gea to una ai oara wafukunoka.

De yohago gea yomaboa yomakutuono de o Esau wohira womaboa de ai dodoto womahiso-soika ai riaka ai bobooika de ma titi gea hiadono iwihiromanga o Yakubu. De ma oraha o ngo Ribeka momagerewoto de manga ngofaka yohago de o Isaka ai ngumuru adonoka ai taongo moributaanga.

De angamoi manga baba o Isaka duru waolomo o fuhuku ma aewani ma roehe ho nako o Yakubu de o Esau, ka o Esauohi duru widora. Masara ngoi fekata o ngo Ribeka muna duru midora manga ngofaka o Yakubika.