Popular Bible Verses from Dodadi 1

Share

De Ma Jou wotemoli o wange ma butaanga gea wato, “Naa, Ngone hodiai o nyawa, de hahidadi la ona ngade-ngade hoka Ngoneoli. De ona ahao de manga kuahaka hiadono ka idadi yapareta o dunia ma aewani mata-mataika. Ho ngaro o nawoko mata-mata de o kia dika de ma womahoka o akeroka de o gahioka ma ka idadi yapareta. De o dunia ma amokika o totaleo de o aewani mata-mataika o nyawa manga kuahaka, ho ngaro o dofo eko o fuhuku, de ngaro ma ago-agomo eko ma hohumuduru, masara, mata-mataika o nyawa manga kuahaka.” Hokogea ma titi Ma Jou watulaada o nyawa la ona ngade-ngade hoka Unangoli, de ona gea watulaada moi o nauru de moi o ngofeka.

De ona gea wahiowa wato, “Ngohi toigo la ngini ningofa-ngofakuku de nidano-danonguku la duru ko nia ngoe nigogere o dunia ma amokika la o dunia de ma dola mata-mataika niapareta. Ho o nawoko o gahioka de o akeroka, de o totaleo ihoo-hoho, de o aewani mata-mataika ngaro o dofo, de o fuhuku, de imalia-liara, ma, gea mata-mata tinihidoaka nginika la ti ngini nia kuahaka la ka idadi nihiaturu.”

Duru ma dodihiraka Ma Jou womulaenge wotulaada o dunia de o dihanga mata-mataika.

De o dunia ena gea ihira ko iwahi ma rupa, abe hoka ma oraha naa, de ko iwahi ma kiahonanga abe hoka ma oraha naa iwangoiye o dunia ma lokuoka. De mata-mataika ka o akere ma ngootohi abe ka ikapusakohi. De ma ngooto gea atamunokahi de o fufutuohi hiadono mata-mataika duru ka ihidofufutuokahi. Masara Ma Jou ai Womaha de ai kuahaka naga womawooto o akere ma ngooto ma lokuino gea.

De Ma Jou womatemo wato, “Ngohi toigo la o dawange naga.” Ka de wotemo hokogea de idadioka o dawange.

De ai dulaada mata-mata Ma Jou wotulaadauku ibooto de wamake duru irahai de wosanangi enangika. De ahao naga o futu de ahao iboali o dawange de gea o wange ma butaanga ipahaika.

De ma dawange gea Ma Jou wamake duru irahai de wosanangi enangika. De wohiaturu la o dawange naga de ma oraha, de ma fufutuoo enangoo de ma oraholi ho hokogea wohikatingaka o fufutu de o dawange.

De Ma Jou ka wotemohi onangika wato, “Abeika ahi dodiawo, ti ngini nia inomo. Naa ena tinihidoaka nginika mata-mataika abe de ma hofokoka o dunia ma lokuoka, abe naga o joro irupa-rupa hoka o pine, de nagali o lubengana, de o joro utu hiadono o gota-gota ma hofoko abe de ma muioka la mata-mata gea idadi nia inomo.

De abe ma titi ma dawange gea Una wato, “Naa tohiromanga o wange-wange de ma fufutu gea tohiromanga o futu-futu.” Hokogenangohi aika wotulaada ho naga o futu de ahao iboa o dawange de gea duru o wange ma dodihiraka.

De ahao Ma Jou womatemoli wato, “Ngohi toigo la o akere ma ngooto naa idadioka o regu hinooto abe imakitingaka la ma hidogoronaka naga ma hoana.” Hokogea Ma Jou waregu la o ngooto ma akere ma regu moi atumungu daku ma hoana ma lokuiye de ma akere ma regu moioli gea dau ma hoana ma timiuku. Hokogea wotemo de hokogea idadi.

De o aewani mata-mataika to enangoo ma inomoli naga, ho ngaro o nawoko, de o totaleo, de o aewani o dofo, de o fuhuku, de imalia-liara, masara mata-mataika tohidoaka o ruruubu de mata-mata iwangoiye o tonakino abe de ma hokaka, la gea idadi to ena ma inomo.” Hokogea Ma Jou wahingahu o Adama de o ngo Hawaika.

De ahao o wange ma iatokali Ma Jou womatemoli wato, “Ngohi toigo la naga ma kiahonanga igogere daku o dihangoka abe ihitararonuku o duniauku la ihikatingaka o fufutu de ma dawange, de ena gea ihiaturu o wange de o taongo abe to ena ma hoana ma dekana. De gea ena o dihangoka ahao ihitunguu o popariamiye, de mata-mata abe de ma orahoka abe ena gea o dihangoka ihitunguu ma gahe. De Ngohi toigo la ena gea ihitararonuku o duniauku la ngaro o wange-wangeoka eko o futu-futuoka ma naga ma dararono.” Hokogea Ma Jou wotemo de hokogea idadi.

De ahao Ma Jou womatemoli wato, “Ngohi toigo la iwangoiye o tonakino irupa-rupa abe naga ma hoka de enangoo de ma hofokoka. Ho iwangoiye o tonakino o joro, de o lubengana, de o gota irupa-rupa, de enangoo ikokihofoko abe de ma muioka la ka idadi iwangoiyeoli de ma rupa imakadaene hoka ma ayoli.” Hokogea Ma Jou wotemo de hokogea idadi.

De ahao Ma Jou womatemoli wato, “Ngohi toigo la o akere ma ngooto naa idadioka o regu hinooto abe imakitingaka la ma hidogoronaka naga ma hoana.” Hokogea Ma Jou waregu la o ngooto ma akere ma regu moi atumungu daku ma hoana ma lokuiye de ma akere ma regu moioli gea dau ma hoana ma timiuku. Hokogea wotemo de hokogea idadi.

Ho gea naga o tonakino iwangoiye ma rupa ma ngoe hoka o pine abe de ma hofokoka de nagali o joro, de o lubengana, de o gota irupa-rupa. De ena gea mata-mataika naga ma hofoko de ma muioka la ka idadi iwangoiyeoli de ma rupa imakadaene hoka ma ayoli. De mata-mata gea Ma Jou wamake duru irahai de wosanangi enangika.

Ho gea Ma Jou wohidadi o wange de o mede de ka o wangeohi ilamoko ho ena gea ihitotararono o wange-wangeoka. De o mede ena gea hatoli ieteteke, de ena gea ihitotararono o futu-futuoka, de nagali Ma Jou wohidadi o muru-murumoli.

De ahao o wange ma hangeokali Ma Jou womatemoli wato, “Ngohi toigo la o dihanga ma timiuku o ngooto ma akere gea kiani ihahuru o doomu moiika dika, la o tonaka ma dudungu naga.” Hokogea wotemo de hokogea idadi. Ka de o akere iowahoka de ahao o tonaka ma dudungu naga de Ma Jou wato, “Naa tohiromanga o dunia ma tonaka de ma ngooto abe itoomuinoka gea tohiromanga o gahi.” De mata-mata gea Ma Jou wamake duru irahai de wosanangi enangika.

Ho ai dulaadaika gea Ma Jou wohiowa wato, “Ngohi naa toigo la ngini abe niwango o akeroka de o gahioka nifaa-faatuku la nidogo-dogo nia ngoe. De nginioo o totaleo toigo la nifaa-faatuku hiadono ko nia ngoe nihoo-hoho o dunia ma lokuino.”

De ahao o wange ma butaangakali Ma Jou womatemoli wato, “Ngohi toigo la naga iwango o dunia ma tonakoka o aewani irupa-rupa abe o dofo, de o fuhuku, de abe imalia-liara o tonakoka, la hiadono naga o aewani ma ago-agomo de ma hohumuduru.” Hokogea Ma Jou wotemo de hokogea idadi.

De ahao o wange ma motoakali Ma Jou womatemoli wato, “Ngohi toigo la naga iwango o akeroka de o gahioka ena de ma rupa ma ngoe la igogere genangoka. De toigo la naga o totaleo ma rupa ma ngoe ihoo-hoho daku o dunia ma lokuino.”

Ho o aewani mata-mata abe Ma Jou wotulaada la iwango o duniaka naga imakokohowono abe o dofo, de o fuhuku, de abe imalia-liara o tonakoka. De mata-mata gea Ma Jou wamake duru irahai de wosanangi enangika.