Popular Bible Verses from Matyuu 21

Share

Toro te kevu Gooti toolluno kuudo kuubwepi toorekul buro'nyo buro'nyodeyo tonyuno subusu'nyogalo kuudoganpi tov kuvinono ikullumo'nonokwono.” Kuudokaikono.

Toro dodopure toorai Jisasol aro kuudokaikono. “Nuu nebal'no ikudumo'mokwono. Kevu Gooti toolluno kuudo kuubwepi tov kemi poowokalago tovi kuudo noullo maullo miyaupinono. Toro kworekul kuruv, Oo kuvinono imo'nonokwono, kuudo saupi tov Gooti tool kuvinono yonekono. Kevu Gooti toolluno kuudo kuubwepi toorekul iko fik toollu kwimo'numoka to'busuko kubalno nokwo ipinorekikono. Aki kevu muumuudo pwollu aro kuudupi tov, “Ilojo'mowopiyabo'bi soolwara tovi dooluvollunawonoo,” kuudupi kuruv kuvinono nokwo imo'nonokwono.

Toro lobiyosuno sumaveyokwe Jisasol puuto tovi nouloduke toga a'mwo abolo pun sumdomgu aki pun lukomgu deko aro aduumjunopogano. “Anekullo'mwojonoo, aguto kig Devitolluro muugunyo tool ilaiyekonoo! Gooti toolluro sugumaluko to'no kwosungiko akallu amonekwopiyabokaikono. Toro tool Aguto toolluro yovo tovida'ai abumokaikono. Ilaiyokwono, muunyu kai'muuda'ai tool anekullo'mwojonoo!” Jisasollu ilaiyo mollomallo'mo ton toro aduumjunopogano.

Toro ino sumaiyokwe aro kuudokaikono. “Gooti toolluro kuuguudo tovi aro sakwollungikokwono. “Moro ago tov subusu'nyogalo jo'moneyokwe agokwono.” Sakwollungikokwono. Toro kuvi kuruv aga'no'gwowi a'mwo kuukokwe tooravuro yiulo kuupuu'na'dupudo ago to'busuko aikullumo'nadopiyo.” Kuudokaikono.

“Wagwolago Jeruusalemda'ai tonyu duujulo. Kemi aguto kig abadopiko toollu denomallulo. Su tool gavnokweyol bwolomoropinyokwekono. Aki yovomaiyokwe pwolbusuko imo'nyokwekono. Toro tool doonki taiyo puvi muunyu toru sulomwallo. Toro toollu kemi aguto kig muunyu toru ilomwalodowo abadopiko su toollu denomallulo.” Sakwollungikokwono.

Toro kuudopo toorai Jisasol aro kuudokaikono. “Kevu Gooti toolluro yogalo sakwollungiko tovi mwonodupudorekuldeyo? Yogalo su tov arokwono. “Sulo pwollu a'mwo sulago mojokwe tooro biyolsumdo ino sumaveyokwe amodukwopiyopekono. Toro amodukwopiyopo kwollu kuruv Gooti tool sulo su toollu ma'dowo ago tov kwollu muunyu toru amodadopiyo. Toro te aga'no'gwowi sulo su tool yiuwi'nokai ago mojo'mo sulo tonyu kuuwolo'mwallo. Su tov yiuno Aguto Gooti toolluro tovida'ai sumo'nadopiko tovi wonodowa nemoro sumdo tovi sugumaluko anekullumo'nadopiyo.” Toro sakwollungikokwono. Toro te kevu Gooti toolluro yogalo su toro sakwollungiko tovi mwonodupudorekuldeyo?

Aki nuu aro ikudumo'mokwono. Aguto kig Gooti toolluro mido mollomwalo tovi dolago tomuu kuulomwallo'moneyokwe kuuguudo sugudo tov kemoro ato tovida'ai nomaikudukwopiyonekono. Su toro maikudukwopiyowo'ji a'mwo abolo ikulsulo po'dogalo ki'numwalpino'moneyokwe punyu nuuwiyonekono.