Popular Bible Verses from Matyuu 15

Share

Toro kuvi kuruv a'mwo pwolluro poowokalago anakuuto tomuuda'ai gamoro mago tovi'aro bolokwodopure su tono'gwowi a'mwo toollu kaiyako mollugolamo'mdupudogano. A'mwo toolluro poowokalago anakuuto tomuuda'ai bolokwodopudo su ton aro tonyuno aikudadokwono. Ma'no ma'no kuudo togai'aro romiyosi togai'aro abekuuko togai'aro kwonyalo togai'aro kuuko togai'aro kuunano togai'aro burolyogalo togai'aro yiuwi'nokai su togano.

Toro wuujuno sumaiyokwe aro kuudokaikono. “A'mwo pwolluro mago tovi buro'nyo buro'nyo wosamujukodeyo amano'ji su ton a'mwo su toollu Gooti toolluro sumdo tovi kaiyako mamollugolamo'mdupudogano. Toro kuvi kuruv a'mwo su toolluro poowokalago tovida'ai buro'nyo buro'nyo yogalo'mdeyo oo kuudo'mdeyo mago tovi'aro bolokwodopure su tono'gwowi a'mwo toollu kaiyako mollugolamo'mdupudogano.” Kuudokaikono.

“Aka tooro numino mago tokwe to'no mollanyudodupudo kworo kuruv kemoro poowokalago tono'gwowi mi manyu toru'aro wo'dupudogano. Toro tooro kemi mago tokweno mino ilomonuwopiyodapudo toga kuudo yaullokwerogano. Oo Gooti tool nemino ilaiyo mollonekuma'dowodoldeyo. Toro yau'dupudo kuvi kuruv nuu a'mwo su toorai ilaiyo ku'nono mamolloma'dumdonyugono. Yiuno yasuwa'no to'no yokwerogano. Aki toro tooro Gooti toonyuro kuuguudo tonyuno mibwaso'mo tooro yiuno a'mwo pworavuro loowo wosodupudo tonyuno'gwowi ibwasokwerogano.” Ajakwollokaikono.”

Toro kuudoka tovi Jisasol wuu'no'no aro kuudokaikono. “Abolo to'guujuro kuudo mino anubwemwakudo su tov maluko'nyo'maiyo, bwotonyokwono. Toro te gumoro anyudumodo tov kuvinono nokwo gujumo'nonokwono.” Kuudokaikono. Toro kuudoka kuga'gwo kuuno gamoro taiyo tov sukulnokakwono.

Toro wuudoduke toga abolo tov Jisasol mwaloduke toru'no bino sumaiyokwe suduko abinuguto'nokakwono. Toro binuguto'no'no aro kuudokakwono. “Agutoloo, donyo'mwojonoo.” Kuudokakwono. Toro kuudoka tovi Jisasol yovekurajo kuuguudo puruv aro kuudokaikono. “Nuu kwoloraiyo tobuuravuro wosamujuko ton juluko toorai amoruudukwopimi tov ilaiyo'maiyo.” Kuudokaikono. Toro kuudoka tovi abolo tov kuudokakwono. “Agutoloo, gumoro yogalo su tov kuvigono. Toro kuvi kuruv juluko toorono'gwowi bret sulmiyo tobuuro kemi jukwo tooravuro noluuleyo tovi dolago tomuu abwolorawo'ji tonyu molle'bworanodupudorogano.” Kuudokakwono.