Popular Bible Verses from Matyuu 14

Share

Toro uuwoduke kuvi kuruv dole'manollo tokwe'aro wonyo luwagu luwaguto togai'aro tonyu kwonoka toga luko bwotonyo sokaikono. Luko ino sumaiyokwe wonyo tovi anakuuto tomuu wollo'mo sokaikono. Pital toro ino sumaiyokwe Jisasollu guureji aro kuudokaikono. “Agutoloo, guu donyo'mwojono!” Kuudokaikono. Toro kuudoka kuga'gwo kuuno Jisasol Pitallu ato tokwe amogalapiyokaikono. Toro mogalapino sumaiyokwe aro kuudokaikono. “Guu mino kuudo anubwemwakudo tov bwotonyo'maiyo. Yiuno kula'nyokwono. Guu mino kuudo noullo maullo anubwemwakudo tov buro'nyo kavlo tovino'mdeyo?” Kuudokaikono.

Toro uuwoduke kuvi kuruv dole'manollo tokwe'aro wonyo luwagu luwaguto togai'aro tonyu kwonoka toga luko bwotonyo sokaikono. Luko ino sumaiyokwe wonyo tovi anakuuto tomuu wollo'mo sokaikono. Pital toro ino sumaiyokwe Jisasollu guureji aro kuudokaikono. “Agutoloo, guu donyo'mwojono!” Kuudokaikono.

Luko yo'mno deko toro dodopure kuvi kuruv Jisasol yere aro kuudokaikono. “Kemi poowokalago ton jurogudo nokwo jumo'nyulo. Nuu toonyu abadokwono. Toro te kavo domwallulo.” Kuudokaikono.

Toro kuudoka toollu Pital aro kuudokaikono. “Agutoloo, guu tookuno'juki aro donyudono. Guu miyomno tooku wonyo buugo tovi muunyu toru kwokado dobono. Guu tookuno'juki su toro donyudono.” Kuudokaikono. Toro kuudoka toollu Jisasol, “Dobonoo,” kuudokaikono. Toro te Pital boot tovida'ai bwolodukwopino sumaiyokwe wonyo buugo tovi muunyu toru Jisasollomno kwokado kuuwokaikono.

Toro sumwogapiyoka toga boot tovi sulomwallajupo su tooro Jisasollu ilomoropiyo'moneyokwe aro kuudoporogano. “Guu Gooti toolluro Kwolaiyo nebal'no kuunodekugonoo.” Kuudoporogano.

Toro kuudopo kuvi kuruv Jisasol aro kuudokaikono. “A'mwo abolo su tonyu pumuuno nomodapiya'jokwe kevnokwe toorekul wosamujuko pun neya duuwiyulo.” Toro kuudoka tovi aro kuudoporogano. “Oo nevu bret tov yiuno atobuul tobuuke'aro aki domwoga tov yiuno pworal toorake'aro to'no amworakuuwono.” Kuudoporogano.

Toro kuudopo toorai Jisasol kuudokaikono. “Wosamujuko su tobuul mi donumokabilo.” Kuudokaikono. Toro te Jisasol gami uumjunyokwe toorai a'mwo abolo ton kabimwomdo toru wolomwalpureyokwe modapino sumaiyokwe kwolomwalopogano. Jisasol bret atobuul tobuuke'aro domwoga toorake'aro tonyu malluno sumaiyokwe muunyu kai'muuno iloonyopiya'no wosamujuko su tonyuno Gooti toollu, “Nenyoo,” kuudokaikono. Toro wuujuno sumaiyokwe bret tov buudeno buudeno sumaiyokwe gami uumjunyokwe toorai a'mwo abolo tonyu uumallupureyokwe amorapiyokaikono. Toro amorapiyoka tooro a'mwo abolo tonyu yado kuumwodeyoporogano.

Yiuwi'nokai kwolallo amwalopo su ton wosamujuko tov nyuno nyuno sumaveyokwe sumwoluko kwitovoka ton nonyugollu'mopto sopogano. Toro anyugollu'movopo tonyu bret nobuudeyo togai'aro domwoga nobuudeyo togai'aro tonyu basket tov 12-pela tobuullu sutowosopogano. Toro tonyu Jisasolluro uumjunyokwe tooro yomollo'mno amollu'bworomaroporogano.