Popular Bible Verses from Génesis 37

Share

Li Josee ivaychin. Laj yalbe ya'ay li sbanquiltaque, pero yo'to la scontrainic o.

Li Israele ja' toj lec sc'anoj li Josee; ja' mu sta jech sc'anoj li yantic xnich'nabtaque, yu'un li Josee ja'o ivoc' ti c'alal mol xa'ox li Jacobe. Jech lic spasbe jlic sc'u', lec c'upil sba, ep ta chop sts'il.

C'alal laj yil sbanquiltac ti ja' no'ox stuc lec c'anbil yu'un stotique, lic scontrainic; me jutuc mu'yuc xa tsc'opanic.

Li Josee ivaychin yan velta noxtoc. La xcholbe noxtoc li sbanquiltaque, jech laj yalbe: —Livaychin yan velta noxtoc. Ta jvayech laj quil la snijan sbaic ta jtojol li c'ac'ale, xchi'uc li ue, xchi'uc buluchib (11) c'analetic —xut.

Li sbanquiltaque te xa xti'et yo'ntonic ta stojol. Yan li stote te ta snopilan c'usi smelol.

Jech laj yalbe: —A'yo ava'yic, ta jcholboxuc li c'usi la jvaychine. Laj quil ta jvayech ti jcotoltic oyutic ta trigoaltic ta jchuctic ta jujuchuc li trigoe. Li jchuc jchucbil trigoe ilic, tuc' la sva'an sba. Li achucbil trigoic vo'oxuque la set sbaic ta stojol li cu'une; la snijan sbaic ta stojol —xi.

Ja' lec bat jmiltic. Jiptic ochel ta vomlum; xu' chcaltic ti ilaj ta ti'el ta bolome. Te chquiltic c'usi chc'ot ta pasel ta sventa li xvayeche —xut sbaic.

C'alal ijelovic li jbolomaletique, ja' li madianetique, la sloq'uesic ta vomlum li Josee; la xchonbeic batel li ismaeletique. Ja' jtob (20) ta sep saquil taq'uin stojol laj yaq'uic. Jech laj yiq'uic o batel ta Egipto li Josee.

Jech laj yalbe sbaic: —Q'uelavilic, le' xa xtal li boch'o ivaychine.

Li banquilaletique laj yilic ta nom li yits'inique. C'alal nom to x'ech' batele, la xchapanic ti ta smilique.

Mu xamalbeic xch'ich'al. Ja' no'ox bat jipic ta vomlum le' ta xocol banamile, pero mu me xavac' ac'obic ta stojol —xi. Jech laj yal li Rubene yu'un tsc'an jech ac'o coluc li Josee, yu'un la snop ti ts'acal ta stac sutel yo' bu comen li stotique.