Popular Bible Verses from Bimwa 14

Share

Na nga wokaki ikingo ichònòki ikolo ilobaki: ”Kòtè bwe! Edi moni na bakoncha bango bawe o cha Mokonchi o chima yango. Eyaye elobe bwe: He, bango tayò o nch’èbati a mochalo ma bango, tonga matoma ma bango maya o chima bango.”

Ye edi komo a b’èchwa iwoka miyeko ma Nzambe n’idyala otata èchingane a Jésus.”

Na wango alobaki nikichi bwe: ”Botilaka Nzambe, na bophè wango botochibe, tonga bobiko ba wango b’ichamba botòtè bukoka, botocha koncha wango etulaki ikolo na che na may manè na banchomba.”

Angelo a ichato alondoki angelo a mobandi, alobaki nikichi bwe: Koncha wango otèchambela nyama a ibèli n’akòtibe ndembo a wango o bocho ba wango, nyò o ebòkò a wango, moto wango tanywa du vin a ibèli a Nzambe n’o bimbi, dyango ibikaniba o cha kobo a wango a ibèli, na tachèbiza wango na meya na soufre o michò ma bangelo b’èchwa, na o michò ma Mwan’a gbata. Na nchumbele a ichèbo a bango tituta biteneli o biteneli, na mieche na mikolo bango tidwe phi, techèbe kobona bakoncha bango bachambele nyama a ibèli n’èlenge a wango, na bango bakòtibe ndembo a kombo a wango.

Na nga yènèki o Mwan’a gbata abèki chu o bokoli ba Sion, na kbamu na wango ebèki mituku kama mò na mako manè n’inè, kombo a Mwan’a gbata na kombo a Chango ekòtibaki o mabocho ma bango.

Na nga yènèki angelo akbwi mò awumbwaki otata ikolo, na wango abèki na mina minyòngò ma biteneli myango wango tachakola bato ba che, bato ba madia machò, ba bilobele bichò, na bato moto elenge elenge.

Na angelo mobandi alondoki wango alobaki bwe: ”Yango ebikwa, yango ebikwa, Babylone monè, wango anywezaki bato bachò na du vin a ibèli a wango a bochembi.”