Popular Bible Verses from Jacques 1

Share

Banyango ba baphele ba nga b’èbati a Nzambe, botangaka maphèphi moto elenge elenge mango mate na beni ko moni mochò bona, boyebaka bwe, beka bichò byango bimeke echingane a beni bitubize chabo.

Ko, mo moto mò o phanyak’a beni achenge bolèngi, tika wango ayonge bwango na Nzambe, koncha wango edi n’ikabo na bato bachò, n’adi wochako twa, na bwango tophèba na wango.

Boyebaka bwe, banyango ba baphele ba nga b’èbati a Nzambe, tika moto ikika awoke dyolo, ko, talobake dyolo, na tabeleke dyolo.

Tika chabo ekiele botoma ba yango kot’èkielele, echoko beni bodyale banyèki na bobitunywiba yango, n’èyeka nyò yò tichèngi na beni.

Towokake mawò mowoka phencha, ko, bokielaka mango, ta beni bochukwiza ebati a beni makoncha n’ichena.

Koncha wango ebandame n’ètungu o ch’a maphèphi adi n’ilèmu, tonga o wango abichil’omekibe wango tayamba ngul’a bomwè, wango Nzambe alakaki bakoncha bango badinge wango.

Matabichi manyòngò machò na matabichi manyèki machò machònò ikolo ma Chango a phololo, edyalele a wango edi ochekwa ka, n’èdyalele a wango edi ko yò biteneli.

Tonga mo k’òwoke mawò mowoka phencha, mo k’òdi okiela mango ka, owana k’òdi ko koncha wango etokolo bocho ba wango o tatala bona, chima o wango achilaka botokolo bocho ba wango, wango alangwe n’abunge elenge a wango koncha dyolo.

Botoma b’ichambela bwango bodi cheche na biphebo twa o bocho ba Nzambe na Chango, bwango bodi kobona, bokiè bokieka bana bango badi batike, na bachani o ch’a kièlèlè a bango, na bochobe ebati a wikoncha cheche o che.

Tika moto nyò mò adyale oloba bwe: Nzambe aphèphize nga ka, tonga Nzambe adi ophèphiba n’èyeka ebè ka, na wango koncha adi ophèphiza moto nyò mò ka. Ko, moto ikika adi aphèphibe okomo phongo a wango koncha alutize n’abembize wango.

Tika mwanyango a bole a Nzambe, wango atulize nchoto achange o bango bakondize wango o ch’a Nzambe