Popular Bible Verses from Ephésien 4

Share

Bodyalaka kot’èdyalele na mitema m’èlumba, na bophènè pardon ko Nzambe aphèki beni pardon o ch’a Christ bona.

botulizaka manchoto ma beni kot’ètulize, bodyalaka na chabo, botikanaka beka bibè o ch’elumba

Totubizake iwò ibè nyò dyò o ch’a mina ma beni, ko mawò manyongo phencha, mango mayiche bolèndize beni, na mango maphè bato bango bawoke mango grâce.

Embanga, ibèli, boyino, yokela n’èchoki beka bi bichò tidyala mochika na beni, na bobè bochò.

”Tobèlèke na tokielake machuma”, todimuzake dichò a bucha n’ibèli. Tophèke molemba enongo o ch’a mitema ma beni.

tonga n’imicha bikumba ba motema b’ikale, mwango modyobo tonga na phongo a mwango, na boyenga tonga n’iyamba bolèngi o ch’eyaye a beni botemu, na bochwa moto motemu, wango etulibaki ko echw’a nènè edi bona o ch’a Nzambe.

bomèkaka bochobe mitema ma beni o ch’Eyaye ko yò kot’èmèkele na bongièngèlè ba phi.

Wango atikaki bana baninga o mochalo ma bapôtre, bana baninga mibandi, bana baninga badikichi, bana baninga babateli, na bayekuchi. Tonga wango adingaki bolòngele bato b’èchwa bwe, bakielize baninga mochalo m’itonga nchoto a Christ, kokoko ncho bèni bachò tophola echingane ko yò, na bokièngu ba Mwan’a bole a Nzambe, ko moto wango ebitunyola bichò adi monyèki bona kokoko ncho bokokele ba Christ.

Echoko bèni tidyali ko bana baki bango badi biyelele bona yango, baphanchibaki na mawò ma bakoncha bango bakiele bolèngi, enongo ichukwiza baninga n’ichena, ko bodyale ko bato bango balobe mawò ma nènè bona, na bakatè o beka bichò o ch’elumba, kokoko ncho ma mutu wango edi Christ