Popular Bible Verses from Roma 5

Share

Asogo aʼgeat de, at Allah nenebe ede en tago ai enagat emagoluk, nis wiak togwi oruakma, Kristus ebe woknentesimu nenebalema waraga ai o.

Op ema oluk nonogola nenagai opogu lege ai pam, Allah en Arogun woknentesimu nonogola welat, ik naʼgogwi ʼgelaʼge, Allah en edeapnenebiso aʼge ai nonogola loksogo nenebasu ai pam nonogorlok erlaksogo welege o.

Ai paget nak nonogola nenagai hogu lege puk. Di obotut yu obotut hogu lege ai pam, nenede hurle ago ai en e, asogo wiagapnonobogukhwe, nonogola nenagai hogu legeat o. Nenede hurle agalat ologun pam e, Allah en nenebabut ʼbalogo re, op oso. Asogo oso ano pam, pobuk demat op ema o, oluk nonogola nenagai opogu lege.

Yogodak e, nis nenede Allah ebam heʼberik pege ai en, wene nenebam aʼge noʼgorlogo wokholuk emin togolik hwedik taknenebesimu, nonue ʼgain Onuk Logo aʼge Yesus Kristus tegei ai pam Allah emin laʼbulik welege. Nis nenede Yesus ebam heʼberik pege ai pamat, at en Allah ebabut op ano en obapnenebiso ai eragam nenebesi ai en nenede eberak poluk welege. Welat, Allah erliktogwi modok welagai ai ʼgelaʼge, nis asogoat erliknonobua o, oluk nonogola nenagai hogu lege.

Nis e, Allah ebe ukpoluk walek lai legerik, nenebe miayat oruakma, at Allah en e, “Is asogo oruak ai paget, Kristus ai erlige waremak o,” oluk epesi ano pamat, ebe werigisema waraga ai o.

At Kristus mep enamogo waraga ai pam, wene nenebam aʼge noʼgorlogo wokholuk Allah emin pobuk togolik hwedik taknenebesirikmu no oluk e, pobuk Allah olot het nenebam pasuam delnonobua erlak no? Delnonobuayat o.

Ap mesigat en Allah iak hwelak poluk tu erlakma en wiak tegei ai pam e, aphwami enebe aʼbigat wiak til wagai ai ʼgelaʼge, ap mesigat en, Allah iak hwelak poluk tegei ai pam e, aphwami nenebe aʼbigat wene nenebam aʼge noʼgorlogo wokhesimu Allah ogola agai aʼge ʼbekhit togu lema ai o.

Aʼge re, ai nak puk. Nonue ʼgain Onuk Logo aʼge Yesus Kristus tegei ai pam, Allah emin pobuk togolik hwedik taknenebesimu emin op welege ai en e, nonogola nenagai hogu lege o.