Popular Bible Verses from Roma 10

Share

Hemde pam en e, “Nonue ʼgain Onuk Logo aʼge re, Yesus at o,” oluk ʼbaksogo eselat, ye, hogola en e, “Yesus ebe waragarikmu re, Allah en elalugaptegeimu oruak o,” oluk demat epasulat, umu re, delhobuayat o.

Aphwami enede Allah ebam heʼberik pogwiam e, at en wene enebam aʼge noʼgorlogo wokholuk, pobuk togolik at emin hwedik tagenebasu o. Ye, enemde pam en, at obok ʼbaksogo ogwiam e, delenebiso ai o.

Aʼge re, op wene ai, Kristus obok moʼgulentai lagaiamat enesaʼgo hologwi o. Ye, wene enesaʼgo holholugat, enede at ebam heʼberik pogwi o.

Allah iak pam pelal wokho pogulat e, disogo egesa, “Aphwami enede at ebam heʼberik pouwa aʼge eneʼgerli houwa modok erlak o,” oluk pelal wokho pegesa. Is aphwami Yahudi aʼge muat, ye, aphwami Yunani aʼge muat, ogup o. Nis ʼberlegat nenaik ʼgain Onuk Logo aʼge re, Allah emategat o. Ye, at en wogontouwagoluk yoʼgo pogwi aʼge enebe ʼberlek loksogoat wogentasu o. At en eselat e, “Is logon en an henaik ʼgain Nonuk Logo aʼge Allah nonuk ʼbalogwi aʼge, ʼberlegat delenebik nak o,” oluk egeimu pelal wokho pegesa.

Allah en e, wene mesik disogo egei, “Aphwami op wene woluk moʼgulentai lagai aʼge ai, op modogat o,” oluk egeimu pelal wokho pegesema oruak aʼgeat de, op wene ai woluk louwagoluk yoʼgo onoboluk peragonobogwi erlak holuk e, noʼgosogo en moʼgulentai lo no. Ye, is logon en wene ebe moʼgulentai lo erlak oruakhwe, at obok noʼgosogo en enesaʼgo holu no. Ye, at obok holu erlak welat e, noʼgosogo en enede at ebam heʼberik po no. Aphwami enede at ebam heʼberik po erlak welat e, onuk noʼgosogo ʼbalu no.

Allah en e, wene mesik disogo egei, “Aphwami op wene woluk moʼgulentai lagai aʼge ai, op modogat o,” oluk egeimu pelal wokho pegesema oruak aʼgeat de, op wene ai woluk louwagoluk yoʼgo onoboluk peragonobogwi erlak holuk e, noʼgosogo en moʼgulentai lo no. Ye, is logon en wene ebe moʼgulentai lo erlak oruakhwe, at obok noʼgosogo en enesaʼgo holu no. Ye, at obok holu erlak welat e, noʼgosogo en enede at ebam heʼberik po no. Aphwami enede at ebam heʼberik po erlak welat e, onuk noʼgosogo ʼbalu no.

At Kristus ebe ʼgwiangma ʼbu aga ai pam, wene Allah en nenesaʼgo weregei wene ano demat aga. Aphwami enede at Kristus ebam heʼberik pogwi aʼge enebe loʼbok, wene enebam aʼge noʼgorlogo wokholuk, pobuk togolik Allah emin hwedik tagenebasu o.