Popular Bible Verses from Peragenebesi 20

Share

Wene nonue ʼgain Onuk Logo aʼge Yesus uʼgwarek en disogo moʼgulnentesi ai, Is aphwami logon en wokhontogwiam horloluk honogola henagai ho mia o. We, at e, his honuʼgwarek en is muon wogontogulat nak e, honogola henagai ho yo, oluk moʼgulnentesi ai nenede eberak welat e, an en is logon enanni erlak aʼge lerentasu legi ai, his en pobirak noboluk an nebabut wik-wok heneʼgik annisogo lerontogulom ebele paget oluk moʼgulogo taga legi ai o,” oluk moʼgulentesi.

Asogo aʼgeat de, an nebe nelaluk wolom aiat logo oluk ai aʼge logo pasu legi erlak o. Nonue ʼgain Onuk Logo aʼge Yesus en yoʼgo nebasulat, at en e, Allah ebabut op en tagenebasu aʼge op wene aiat moʼgulentil lu o, oluk yoʼgo nebesi aʼge ano ologun pam ʼgoboksogo tiogoluk logo pasu legi o.

Wam domba wam ʼgwelagentarok welagai ai ʼgelaʼge, his en Allah eiyagai ʼgwelagentarok welemagoluk, at Arogun en yoʼgo henebesi aʼge ai, ʼgwelagentarok welat e, honuʼgwarek henepe heberlogo wolomup o. Asogo henepe heberlogo welat e, Allah eiyagai yema, at uʼgwarek omlogo emep pam wogenebegeimu enebe at uʼgwarek eiyagai oruak, oluk opsogo ʼgwelagentarok wolomup o.

Wene Allah ebabut op en woknenebiso ai wene heneʼgik ningsogo tenakho weleripogoluk, moʼgulhentegis o. Yogodak e, at Allah anni oruak aʼge en, wene ai pam henede hurleaphenebasulat, di aʼge yu aʼge at eiyagai wogentaigoluk enebesi aʼge wokhentasulat, elit tu aʼge eʼgikmu henebegi o.