Popular Bible Verses from Powadi 3

Share

Pe'ala-ala Iramo i UE tompaano aroamu, ka si pehonda a ponto'orimu omuemu. Pe'ala-ala Iramo a laro ntumuwumu, ka Ira mokomoleoo pesalaamu.

Si potae koroimu pande mosongka, doitoako Iramo i UE ka olaiakono mosa'oa

Pelangkaiako Iramo i UE arataamu ka wua amba-ambano inso a hasilino witamu, ka luwuno si'emu ta te'ihii buke ranta hadio ntu'u, ka bolusa pomporo'iamu ta luluaako uwoino wua anggorono.

Pompehohawa ka petenunu si tebinta inso ndi omue! Pe'enu-enuakomo atuu a we'umu, buriomo i laro aroamu

Hei anaku, si pebungkuio pompaguru-Do i UE, ka si te'osaakono pompopoto'ori-Do. Hangano Ondae i UE tumunduhio mia anu pinehohawa-Do, kana asa ama a ana anu pinehohawano.

Hei anaku, si kolupeo pompaguruku, ka po'ineeomo aroamu mekariao parentaku, hangano melai tinuwu ka luwuno ta'u tumuwumu saru manangaia ta tiniangiako ndi omue.

Me'uraomo mia anu mohawe ponto'ori anu mentee, mia anu mohawe pande, hangano me'urano lumaloio salaka, ka hasilino lumaloio wulaa. Onae masuliopo olino sekonopo paramata; maupo hapa anu inehemu nahi pokopengkenaakono.

Si ontoo moikoado mia anu tekona domentarimao, kahinaano upolio weweuo.

Saru ponto'ori-Do i UE Donaaomo empehino tolino, saru pinewowolo molino Dopakosio langi