Popular Bible Verses from I MATIU 28

Share

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori, ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

Ondae i Yesu rumangkuhi ira ka Dopotae, ”Wineeako Akumo luwuno pabawa i suruga ka i tolino.

Sine mala'eka atuu motaeako ira beine atuu, ”Siimo imedoito; hangano kuto'orio ime'ungke Ira i Yesu anu pinaso a ngkeu pinotamba atuu. Nami Dondio i ndi'ai, hangano mewangu Iramo, mengkena kana anu Dopauomo. Aiwa, imengkitaomo pepombolea-Do.

Ka Dopotaeako ira i Yesu, ”Si medoito. Imelako ka imempauako iramo pepaekompo-Ku, ka domelako i Galilea, ka i ra'aimo ira mengkita Aku.”

Ka umarido nteriso saru mia memota'u, domempakosiomo ka dompoweeako ira hadio doi a nsorodadu atuudo ka dompotae, ”Asalakono ka imempauo, nine ana guru-Do me'aiwa wongi-wongi ka domponakoo tempono impoturi. Ka tewala anu gagi andio dorongeo petewawa i wita atuu, kami koa mpepauako ira, ka si mpohawe anu mokonsusa komiu.” Domentarimao doi atuu ka meweweuo kana anu dome'inoliwiako. Ka tutulu andio telele i olodo to Yahudi hawe kanandio-andio.