Popular Bible Verses from Imama 26

Share

Sine Aku kongko i tonga-tongamiu ka Aku gagi Ue Alamiu ka omiu megagi bawaa-Ku.

Aku moweeakomiu usa ia tempono, ranta wita atuu mompowee hasilino ka keu a lere mompowee wuano.

Tewala mentuwu komiu montonda pompakosi-Ku ka kongko mpe'ini a parenta-Ku saru meweweuo

Aku mompowee rodoa i wita atuu, ranta komiu mpepombole nahina maupo hapa ta modengke komiu. Aku mokotampulao kondehora lambaha inso i wita atuu, ka ponai nahi ta telalo i witamiu.

Aku mewolili ndi omiu ka weweu komiu mpe'ana'ue saru tetiangi hadio, ka mokorosoo pedandia-Ku saru omiu.

Ongkuemo UE, Ue Alamiu, anu wawa komiu mpeluarako inso i wita Masiri, kasi megagi mbo'u atado. Kupuduomo keu pasanga anu i wawomiu ka weweu komiu mpelempa moleo.”

Aku numaao Kema Mempori-Ku i tonga-tongamiu ka aroa-Ku nahi ta te'osa kumita komiu.

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo UE, Ue Alamiu.

Omiu da komiu mpongkaa wuano anu tehine inso a mpo'opua anu laloomo, ka wuano anu tehine atuu komiu meluarakono ka imenaao anu wo'ohu.

Olima mia inso i olomiu ta molulu asa etu, ka asa etu mia inso i olomiu ta molulu hopulu nsowu ka luwuno iwalimiu ira memateako ponai i aromiu.

Tempomiu mposesa ta menggoe hawe tempo mo'opu wua anggoro ka tempo mo'opu wua anggoro ta menggoe hawe tempo morawo inii. Komiu mpongkaa kaangamiu ranta mowohi ka merodo mpo'ia i witamiu.

Komiu melulu ira iwalimiu, ka ira memateako ponai i aromiu.

Asalakono impekakaakono luwuno oleo Saba-Ku ka melangkaio po'ianga mempori-Ku. Ongkuemo UE.