Popular Bible Verses from Puu Mpobitara 7

Share

Mepau iramo i UE ndi Gideo, ”Palili anu merongaakomu Kupehadioo lahi ba kupeweengako ira to Midia a ngkaedo. Kasi mansa to Isaraeli mpompelangka-langkai ndi Ongkue, ka dompotae: Kaeku ongkueku anu tumolosi aku.

Ka i'amba pau-Do i UE ndi Gideo, ”Aku tumolosi komiu ka meweengako ira to Midia ia ngkaemu telalo otolu etu mia anu mponsile'i uwoi atuu. Sine palili anu susua atuu moikoomo dompekule ia mpo'iangaado.”

Kanandio, pauako ira palili: Isema anu doito ka mondende, po'ineeomo ipekule, bintao mentorukuno Gilea.” Ka do'amba mpekule rua pulu ka orua nsowu mia inso a palili atuu ka hopulu nsowu mia mokoa anu tebinta.

Sine mepau Ira i UE ndi Gideo, ”Palili atuu da hadio lahi. Tena ira mpetii a uwoi, i tu'ai Aku binikiakomu. Mia anu pinau-Ku ndi omue, ’Onaemo anu tamerongaakomu’, mia atuu ta lumako merongaakomu, sine mia anu pinau-Ku ndi omue, ’onaemo anu nahi ta lumako merongaakomu,’ mia atuu nahi ta lumako.”

Itena iramo i Gideo palili atuu mpetii a uwoi, ka mepau Iramo i UE ndi onae, ”Sompo mia anu monsile'i uwoi kana dahu, pakosio, kanatuu koa mbo'u sompo mia anu menggolontu ba ta mo'inu.” Mia anu monsile'i uwoi montambuako kaeno wawao a ngangano, hadiono tolu etu mia, sine palili anu mehano mpenggolontuu ira mpo'inu uwoi.