Popular Bible Verses from Puu Mpobitara 6

Share

Mala'eka-Do i UE mepopokita ndi onae ka Dopepau kanandio, ”Ondae i UE kumongkomiko, o tadulako anu mosia.”

Mewolili Iramo i UE ka Dopepauakono, ”Lakomo montonda morosomu ka upotola ira to Isaraeli inso ia ngkaedo to Midia. Nde komba Ongkue ke anu tumenako?”

Mepau Iramo i UE ndi onae, ”Aku kumongkomiko, ranta kau nangi ira to Midia kana anu asa mia koa.”

Sumangki i Gideo ndi Ondae, ”Tabeamiu, Ue, ba Ondae i UE kumongkomi kami, tembio ka luwuakoano andio umalu kami? Isua ke luwuakoano wineweu-Do anu kinohali-haliako mami, kana dotutuluakami ue mpu'u mami ndi omami, dompotae: Nde komba Ondae i UE ke anu kumongkomi kita meluarako te'inso i wita Masiri? Sine kanandio Ondae i UE Dobinta kami ka Dopeweengako kami ia ngkaedo to Midia.”

Sine sangkino ndi Ondae, ”Tabea Miu, Ue, saru hapa ke ba kutolosiako ira to Isaraeli? Ikitaomo, tongkuku anu lalu kodei i olodo tongku Manase ka ongkue andio mia anu lalu mongura i rahado amaku.”

Ka i'amba hawe Mala'eka-Do i UE, mentoro ia totongkeu tarabanti i Opara, anuno i Yoasi, to Abieseri atuu. I Gideo ka anano monsesa gandu a mpotirisaa anggoro, kai tewuni te'inso a nto Midia.

Onaemo ka i Gideo mowangu pontunua pesombaa i ra'ai tia-Do i UE ka ineeakono: Ondae i UE pu'uno manangaia. Pontunua pesombaa atuu da kongkoo mpiha hawe tempo andio ndi Opara, i kotado to Abieseri.

Sumangki i Gideo ndi Ondae, ”Ba mohawe aku pempohohawa montonda pongkita Miu, Ipowee akumo petondoni motae Omiumo anu mepau ndi ongkue.

Sine Pau-Do i UE ndi onae, ”Tekaduduikomo! Si doito, nahi komate.”

Sine to Isaraeli mpoweweu anu mosa'o i aro-Do i UE. Onaemo Ondae i UE meweengako ira ia ngkaedo to Midia, opitu nta'u tehineno