Popular Bible Verses from Winali 5

Share

Pelangkai ira amamu ka inemu, kana anu Doparentaa komiu i UE, Ue Alamiu, ka imelai tinuwumiu ka moiko tumuwumiu i wita anu Doweeakomiu i UE, Ue Alamiu.

Luwuno sala anu Doparentaa komiu i UE, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Si mpenggolontu mpelangkaio ke mpesomba ndi onae, hangano Ongkue UE, Ue Alamiu, onaemo Ue Ala anu monsiri, anu mombalo salano ama a luwuno anano hawe a inuleno ko'otolu ka ko'opaa inso a luwuno mia anu umo'aliaaKune. Sine, Aku mopokitao pompehohawa pokongkomi a sowu-sowuno mia, ndi ondae anu mehohawa Aku ka me'ini a luwuno parenta-Ku.

Si mpoweweu tinaha tiamiu maupo kana hapa anu kongko i langi i wawono, ke anu kongko i tolino i totono, ke anu kongko a laro uwoi i totono tolino.

Si hina ndi omiu ue ala susua i aro-Ku.

Si pauo nee-Do i UE, Ue Alamiu, nahi pototono, hangano Ondae i UE Ira mokonsalao mia anu nahi pototono pauo nee-Do.

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Pekakaakono ka pokomemporio oleo Saba, kana anu Doparentaa komiu i UE, Ue Alamiu.

Si monsisiriakono kombiano pe'asa miamu. Si monsisiriakono rahano ke lereno, atano tama ke beine, sapino ke kalideno, ke maupo hapa anuno pe'asa miamu.’

Si ponsosabo.

Si pesakosii a mpe'asa miamu gagi sakosii megaupi.

Si pompepate.

Si ponako.

Asalakono impewowoloo nine omiu i ndi'ipua ata koa mbo'u i wita Masiri ka Dowawa komiu i UE, Ue Alamiu mpeluarako inso i ra'ai saru kae moroso ka tokia tetande. Onaemo pu'uno, Ondae iUE, Ue Alamiu parenta komiu mpelangkaio oleo Saba.

Onoo oleo tehineno komiu mpo'angga ka meweweuo luwuno anggaamiu. Sine oleo ko'opitu, onaemo oleo Saba-Do i UE, Ue Alamiu. Si mpoweweu anggaa hapamo koa, omiu, anamiu tama ke beine, atamiu tama ke beine, sapimiu ke kalidemiu, luwuno pinotuwumiu, ke maupo mia hawe i laro kotamiu, ka dompenaa-naa atamiu tama ka beine kana omiu mbo'u.

’Ongkuemo UE, Ue Alamiu anu wawa komiu mpeluarako inso i wita Masiri, inso a mpo'ianga tepe'ataa.