Popular Bible Verses from Winali 10

Share

Kanandio-andio, hei to Isaraeli, hapa anu tinuntu-Do i UE, Ue Alamiu, inso ndi omiu, sangkadio doitoako Ira i UE Alamiu, tuwu montonda luwuno sala-Do, mehohawa Ira, mesomba ndi Ondae i UE, Ue Alamiu a tompaano aroamiu ka a tompaano sumangamiu, me'ini a parenta ka pompakosi-Do i UE anu kupohaweakomiu a oleo andio, kai moiko tumuwumiu.

Hangano Ondaemo i UE, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

Onaemo pu'uno imebaliomo aroamiu ka siimo mbo'u impe'ulu watu.

Ondae mo'alaako tiado nana'ote nahina amado ka tuwu beine ka mehohawa ira mia hawe saru moweeako ira kaanga ka sangka.

Ondaemo pu'uno po'unde-undeamiu ka Ondaemo Ue Alamiu, anu umariomo weweuo i olomiu luwuno wineweu anu langkai ka mongkokongiri, anu imengkitaakonomo matamiu.

Asalakono imedoitoako Ira i UE, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Menteeano Ondae i UE, Ue Alamiu anu me'ueo langi, tendeano langi anu i wawoio luwuno langi, ka tolino saru luwuno ihino.

Onaemo pu'uno, asalakono impehohawa ira mia hawe, hangano omiu i ndi'ipua mia komiu mehawe i wita Masiri.