Popular Bible Verses from Danieli 9

Share

Ku'emao ndi Ondae Ue Alaku, ka mangakuakono halaku, kanandio, ”Oo UE, Ue Ala anu tedoa langkai ka mongkokongiri, anu uminio Pedandia, pe'aroa ka pompehohawa ndi ondae anu mehohawa Komiu saru me'ini a parenta-Miu!

Oo Ue Alaku, po'aroomo biri-Miu ka Irongeomo. Wileomo mata-Miu ka Ikitaomo terawomami ka kota anu pinauako nee-Miu, hangano omami mpohaweo pekakai po'emamami i aro-Miu nahi kimpe'empehiako menteemami, sine me'empehiako pompehohawa-Miu anu hadio ntu'u. Oo Ue, Irongeomo! Oo Ue, I'oniniomo halamami! Oo Ue, Ipensiroiomo ka Ipokogagiomo, siimo Ipotuluo, me'empehiako Omiu, oo Ue Alaku, hangano kota-Miu ka bawaa-Miu pinauako nee-Miu!”

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”