Popular Bible Verses from 2 PETURU 3

Share

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

Sine, pepaekompo luwu-luwu anu kinekewoiku, anu aasa andio si mengkolupeo, onaemo, nine i aro-Do i Ue aasa oleo mengkena kana asa nsowu nta'u ka asa nsowu nta'u mengkena kana aasa oleo.

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

Sine oleo-Do i Ue ta hawe kana anu monako. A oleo atuu langi ta moliu saru ruundu anu mongkokongiri ka luwuno anu hina i wawontolino ta mo'ai a laro langano api, ka tolino ka luwuno anu kongko i wawono ta tetadi moliu.

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u onaemo omiu anu mensikorio ka ironga hawe oleo-Do Ue Ala. A oleo atuu langi ta loono a laro api ka luwuno anu hina i wawontolino ta terawo hangano langano.