Popular Bible Verses from Chenesis 37

Share

Atuk o̱ Chosef ʋt naholhpokna ho̱ holhpokna cha, itibapishi ʋhleha ha̱ im anoli tok: mihma i̱ shahlichit i̱ nukkilli tok.

Sipoknit taiyaha hosh ushi im ʋtta tok, atuk osh Islael ʋt Chosef a̱ holitobli kʋt im ʋlla ʋhleha moma ka̱ i̱ shahlichi tok: micha nafohka pisa il aiyukali yo̱ im ikbi tok.

Atuk o̱ i̱ki ʋt itibapishi ʋhleha moma ka̱ i̱ shahlichit holitobli na itibapishi ʋhleha hʋt pisa mʋt, okla i̱ nukkilli cha, i̱ kanʋt im anumpula he keyu tok.

Atuk osh himakma naholhpokna ho̱ holhpokna cha, itibapishi ha̱ im anolit, Yakeh, himak a̱ naholhpokna ho̱ sa holhpoknʋshke: mihma yakeh, hʋshi, micha hʋshi ninak a̱ya, micha fochik auahachʋfa hash osh ʋm akachunoli tuk oke, achi tok.

Mihma itibapishi ʋhleha hʋt i̱ potʋnno tok: amba i̱ki ʋto anumpa ha̱ ithaiyanʋt a̱ya tok.

Micha, Naholhpokna ilʋppa sa holhpokna tuk a̱ ho hakló, hʋchim asilhha lishke. Yakeh, osapa anu̱kaka ya̱ onush takchi hosh il a̱sha tuk o̱, yakeh, a̱ sita hʋt wakaya cha apissʋt hikia tuk oke; mihma yakeh, hʋchi̱ sita hʋt a̱ sitha ha̱ hiohlit apakfoyupa cha, im akachunoli tuk oke, im achi tok.

Yʋmohmi hoka inta, himak a̱ iloh ʋbashke, micha hichukbi kanima pit eho kanchashke: micha, Nampoa okpulo hosh ʋbit ʋpʋt tahli tuk oke, iloh achashke; mikma holhpokna tuk ʋt kaniohmi na eho pisashke itim achi̱ tok.

Yohmi ma Mitianait nan‐itatoba ʋhleha hʋt ant a̱ya tok; mihma Chosef a̱ halʋllit ʋba takalichit, hichukbi ya̱ a kohchi cha, Chosef a̱ tʋli hʋta tushahli pokoli tuklo ho̱ Ishmaelait hatak ʋhleha hash i̱ kanchi tok: mihma Chosef a̱ Echip a̱ isht ona tok.

Micha ilap bi̱ka, itim anumpulit, Yakeh, ilʋppʋt holhpokna shahli ash osh mintishke.

Atuk o̱ hopaki ho̱ minti na, bili̱ka ik lo ki̱sha ho̱ pisa mʋt, haksichi hosh ʋba chi̱ kʋt itim apesa tok.

Micha Luben ʋt, Issish a̱ hʋch ik hlatablo kashke, amba yakni haiaka hichukbi hikia ilʋppak o̱ pit hʋsh kanchi cha, hʋch ibbak hʋch ik onocho kashke, im achi tok, ibbak a̱ a kohchit hlakofichi cha, anonti i̱ki ya̱ falaminchit pit ima chi̱ hosh yʋmohmi tok.