Popular Bible Verses from ရောမ 3

Share

ဖြားဖြစ်ကြောန့်နူးဆိုဟှာ လူလေ ဂူလောင်းဟှာ ပြစ်ကျူးလွန်ဘီး ဘုရားသခင်ရဲ့ မျစ်မှော့‑က်တော်န ဝီးကွာဟှားဂေ့ဘီ။ အယ်ဘေမဲ့ ယေရှုခရစ်တော်ရဲ့ ဝီးကော့‑က်ရှင်းအားဖြင့် ဖိုးခပေးဇာလိုဘဲဟှူ ဘုရားသခင်ရဲ့ကျေးဇူးတော်ကြောန့် ဖြောန့်မတ်ရာဟှို ရော့‑က်ရဂေ့ဟှယ်။

ယေရှုခရစ်တော်ဟှို ယောင်ကြည်ဟှူဇာအားဖြင့် ယောင်ကြည်ဟှူသူလေထတ်မာ သတ်ရော့‑က်စေဟှူ ဘုရားသခင်ရဲ့ဖြောန့်မတ်ရှင်း ဖြစ်ဟှယ်။ လူလေဟှာ ခြားနားမှု လောင်းဝမှေ့ဟှ။

ဘုရားသခင်ဟှာ သူ့ရဲ့ ဖြောန့်မတ်ရှင်းဟှို ထန်ရှားစေဟှို့တွပ် ခရစ်တော်ဟှို ခန့်ဟှားဘီး ယောင်ကြည်ရှင်းတွပ် ခရစ်တော်ရဲ့ သွီးတော်ဟှို သနားခံဟှူပူဇော်သကာ ဖြစ်စေတော်မူဟှယ်။ တနည်းအားဖြင့် စိရှယ်သီးခံဘီးဟှာ လွန်လာဘီးဟှူ ပြစ်လေဟှို မှုထားဘဲန နေတော်မူဟှယ်။ ခုကာလမာ သူ့ရဲ့ ဖြောန့်မတ်ရှင်းတရားဟှို ထန်ရှားစေဟှို့တွပ်န ဘုရားသခင်ကိုယ်တိုင် ဖြောန့်မတ်ရှင်းရဲ့ သခင် ဖြစ်ဟှူကြောန်း ယေရှုဟှို ယောင်ကြည်ဟှူသူဟှို ဖြောန့်မတ်ဟှူသူ ဖြစ်ဟှယ် ဆိုဘီး သိမှတ်ပြုဟှို့တွပ် ဖြစ်ဟှယ်။

အယ်ကြောန့် ပညတ်တရားရဲ့ ကျင့်အားဖြင့် ဘုရားသခင်ရှေ့တော်မာ ဖယ်လူလည်း ဖြောန့်မတ်ရာဟှို ရော့‑က်နိုင်ဟှ။ ဖြားဖြစ်ကြောန့်နူးဆိုဟှာ ပညတ်တရားအားဖြင့် နို့လေမာ ပြစ်ရှိဟှူကြောန်းဟှို သိစေဟှို့တွပ်ဘဲ့ ဖြစ်လေဟှယ်။

ကျမ်းစာတော်ဟှ၊ “ဖြောန့်မတ်ဟှူသူ မှေ့ဟှ တယော့‑က်လည်းမှေ့ဟှ၊ သိနားလည်သူ မှေ့ဟှ၊ ဘုရားသခင်ဟှို ရှာဟှူသူ မှေ့ဟှ။ လူလေ ဂူလောင်းဟှာ လမ်းလွဲဟှားဂေ့ဘီ။ တပေါင်ဇံဒဲ သောင်းရဘဲဟှူသူလေ ဖြစ်ဂေ့ဘီ။ ကောန်းဟှူကျင့်ဟှို ကျင့်ဟှူသူမှေ့ဟှ၊ တယော့‑က်လည်း မှေ့ဟှ။

အယ်ကြောန့် လူဟှာ ပညတ်တရားနဆိုင်ဟှူ ကျင့်အားဖြင့်မှုဘဲ ယောင်ကြည်ရှင်းအားဖြင့် ဖြောန့်မတ်ဟှယ်ဆိုဘီး သိမှတ်ပြုဟှူဇာဟှို နို့လေခံရဂေ့ဟှယ်။

ဖယ်မျိုးလည်း ပျစ်ပြယ်နိုင်ဟှ! လူလေဟှာ ဖြောန့်မတ်ဟန်ဆောန်ဘီး လီလယ်ဂေ့ဟှူ လည်းဘဲ့ ဘုရားသခင်ရဲ့ ဖြောန့်မတ်ရှင်းဟှာ မြဲဒမ်းဘဲ့ တည်နေမယ် ဖြစ်ဟှယ်။ ကျမ်းစာလာဟှူဇာဟှ “ကိုယ်တော် မိန့်တော်မူဟှူ စကားတော်ဟှာ မှန်ကန်လှပါဟှယ်။ တရားစီရင်တော်မူဟှူ ခီမာ အောင်မြင်ရမယ်” ဆိုဘီး ဖော်ပြဟှားဟှူတိုင်းဘဲ့ ဖြစ်ပါဟှယ်။