Popular Bible Verses from ရောမ 15

Share

နန်းနို့လေဟှာ သန့်ရှင်းဟှူဝိညာဉ်တော်ရဲ့ တဂိုးတော်အားဖြင့် မျှော်လင့်ရှင်းန ကြွယ်ဝဟှို့တွပ် မျှော်လင့်ရှင်းရဲ့ရှင် ဘုရားသခင်ဟှာ ယောင်ကြည်ရှင်းဟှလာဟှူ ဝန်းသာဇာဘောန်းဇောင်န ငြီသတ်ရှင်းဟှို ပေးသနားတော်မူပါစေ။

ကျမ်းစာမာ ဖော်ပြဘီး ရေးဟှားဟှူ ရှိမျှဂူလောင်းဟှာ နို့လေဟှို သွန်သန်ဆောင်းမဟှို့တွပ် ရေးဟှားဇာ ဖြစ်ဟှယ်။ အယ်မျိုး ဖော်ပြရဇာဟှ နို့လေဟှာ ကျမ်းစာတော်မာရရှိဟှူ သီးခံရှင်းန နှစ်သိမ့်မှုလေအားဖြင့် မျှော်လင့်ရှင်းရှိဟှို့တွပ် ဖြစ်ဟှယ်။

နန်းနို့လေ ဂူလောင်းဟှာ ခရစ်တော်ယေရှုရဲ့ ပေါင်သတ်သေဟှို လိုက်ရှော့‑က်ဘီး တစိတဝန်းဒဲရှိဟှို့တွပ် သီးခံရှင်းန နှစ်သိမ့်မှုရဲ့ သခင် ဘုရားသခင်ဟှာ နန်းနို့လေဟှို ကူမတော်မူပါစေ။ အယ်မျိုးမှ နန်းနို့လေ ဂူလောင်းဟှာ တလောင်းတဝဒဲန နို့လေရဲ့သခင် ယေရှုခရစ်တော်ရဲ့ ဖ ဘုရားသခင်ရဲ့ ဂေါင်တော်ဟှို ချီးမွမ်းနိုင်ဂေ့လေ့မယ်။

အယ်ကြောန့် ခရစ်တော်ဟှာ နန်းနို့ဟှို လတ်ခံဟှူမျိုး ဘုရားသခင်ရဲ့ ဖောင်းသရေတော် ထန်ရှားစေဟှို့တွပ် ရှင်းရှင်း တယော့‑က်ဟှိုတယော့‑က် လတ်ခံဂေ့ပါ။

နို့လေဂူလောင်းဟှာ ယောင်ကြည်မှုအားနဲဟှူ ညီကို မောန်နှမလေဟှို ယောင်ကြည်ရှင်း ခိုင်မာလာစေဟှို့တွပ် သူးနို့လေရဲ့ ကောန်းကျိုးဟှို ထော့‑က်ဘီးဟှာ သူးနို့လိုဟှို လိုက်ဘီး တည်ဆော့‑က်ပေးသင့်ဟှယ်။