Popular Bible Verses from ရောမ 14

Share

ဘုရားသခင်ရဲ့ နိုင်ငံတော်ဟှာ စားသော့‑က်န တည်ဟှူဇာ မှုဟှ သန့်ရှင်းဟှူဝိညာဉ်တော်အားဖြင့် ခံရဟှူ ဖြောန့်မတ်ရှင်း၊ ငြီသတ်ရှင်း၊ ဝန်းသာရှင်းလေနဘဲ့ တည်ဟှယ်။ အယ်မျိုးကျင့်ဘီး ခရစ်တော်ရဲ့မှုတော်ဟှို ဆောန်ရွပ်ဟှူသူလေဟှာ ဘုရားသခင်ရှေ့တော်မာ နှစ်သက်ဖွယ်ဖြစ်ဘီး လူလေလည်း ချီးမွမ်းဂေ့ဟှယ်။

နို့လေ သတ်ရှင်ဟှာ သခင်ဘုရားတွပ်ဖြစ်ဘီး သေဟှာလည်း သခင်ဘုရားတွပ် ဖြစ်ဟှယ်။ အယ်ကြောန့် နို့လေသတ်ရှင်နေဟှူဘဲ့ဖြစ်ဖြစ်၊ သေဟှူဘဲ့ဖြစ်ဖြစ် သခင်ဘုရား ပိုင်ဆိုင်လေဟှယ်။

အယ်ကြောန့် ငြီးငြီးချမ်းချမ်းနေထိုင်ဇာန ပတ်သတ်ဟှူကြောန်းရာလေဟှို ပြုစုပေးဘီးဟှာ ရှင်းရှင်း တယော့‑က်ဟှိုတယော့‑က် နို့လေ မြဲဒမ်း တည်ဆော့‑က်ပေးဟှို ပေးရမယ်။

အယ်ကြောန့် နို့လေဟှာ နော့‑က်ထပ် ရှင်းရှင်းဟှို စစ်ကြောစီရင်ဘဲန နေဂေ့ဇို့။ ညီကို မောန်နှမဟှို ထိမိလဲတတ်ဟှူ မှုရာလေဟှို ကြံစည်ဂေ့န။

ကျမ်းစာလာဟှူဇာဟှ၊ “ငါသတ်ရှင်ဟှူတိုင်း၊ ငါ့ရှေ့မာ လူတိုင်း ဒူးထော့‑က်ရမယ်, ငါဟှာ ဘုရားသခင်ဖြစ်ကြောန်းဟှို လူတိုင်း နှောက်နဝန်ခံရမယ်” ဆိုဘီး ဘုရားသခင် မိန့်တော်မူလေဟှယ်။ အယ်ကြောန့် နို့လေဂူလောင်းဟှာ ဘုရားသခင်ရဲ့ စစ်ကြောတော်မူရှင်းဟှို ခံရဂေ့မယ်။

ယောင်ကြည်ရှင်းအားနဲသူလေဟှို လတ်ခံဂေ့ပါ။ အယ်ဘေမဲ့ သူခံယူဇာန ပတ်သတ်ဘီး ဂြင်းခူလောက်ဂေ့န။

နန်ဟှ ဖယ်မျိုးဟှူသူဖြင့်ကြောန့် သူများပိုင်ဟှူ စေခံဟှို စစ်ကြောစီရင်ဟှယ်နူး။ သူဟှာ သူ့သခင် စီရင်ဇာအားဖြင့် ပြစ်လွတ်ရှင်းန ပြစ်စီရင်ရှင်းဟှို ရော့‑က်လေ့မယ်။ သူဟှာ ပြစ်လွတ်လေ့မယ်။ ဖြားဖြစ်ကြောန့်နူးဆိုဟှာ ဘုရားသခင်ဟှ သူ့ရဲ့ပြစ်ဟှို လွတ်ပေးဟှို့တွပ် တတ်နိုင်တော်မူဟှယ်။