Popular Bible Verses from ကောလောသဲ 2

Share

အယ်ကြောန့် နန်းနို့လေဟှာ ခရစ်တော် ယေရှုဟှို သခင်ဖြစ်န လတ်ခံဂေ့ဟှူကြောန့် ကိုယ်တော်န တလောင်းတဝဒဲ ဖြစ်ရှင်းအားဖြင့် သတ်ရှင်ဂေ့ပါ။ သွန်သန်ဇာလေဟှို ခံရဟှူတိုင်း ကိုယ်တော်နှိုက် နတ်နတ်နဲနဲ ပြစ်စွဲဘီးဟှာ ကိုယ်တော်ထတ်မာ ကိုယ့်ရဲ့ ဘဝသတ်တာဟှို တည်ဆော့‑က်ဘီး နန်းနို့လေရဲ့ ယောင်ကြည်မှု ခိုင်မြဲစေရှင်းအားဖြင့် ကျေးဇူးတော် ချီးမွမ်းရှင်းန ပ္လဲ့ဇောင်ဂေ့ပါ။

ခရစ်တော်ရဲ့ တရားဟှို ခြေပြုဘဲန လောကရဲ့ ခြေခံတရားလေ လူလေရဲ့ ဓလေ့ထောင်းဒမ်းလေဟှို ခြေပြုဟှားဟှူ တွေးခေါ်ပညာလေန နှစ်သာရမှေ့ဘဲဟှူ လှည့်ဇားမှုလေအားဖြင့် ဖယ်သူလည်း နန်းနို့လေဟှို လုယူဖျစ်ဆီးဘဲနေဟှို့တွပ် ဒိပြုဂေ့ပါ။

နန်းနို့လေဟှာ စဟှ ပြစ်ကျူးလွန်ဟှူ သူလေဖြစ်ဂေ့ဘီး ကိုယ်ကာယရဲ့ ရေဖျားလှီးဘဲဟှူ ဖြစ်န သေနေဟှူ နန်းနို့ဟှို ဘုရားသခင်ဟှာ ခရစ်တော်နတူးဒူ သတ်ရှင်စေတော်မူဘီးဟှာ နို့လေကျူးလွန်ဟှူ ပြစ်ရှိဟှူမျှဟှို ခွမ့်လွှတ်ဘီး၊ နို့လေရဲ့ ပြစ်ကြွေးစာရင်းန၊ အယ်ပြစ်စာရင်းနဆိုင်ဟှူ ဥပဒေစည်းမျဉ်းလေ ဂူလောင်းဟှို လတ်ဝါးကပ်တိုင်မာ ရိုက်ရှင်းအားဖြင့် ပယ်ဖျစ်တော်မူလေဟှယ်။

ဖြားဖြစ်ကြောန့်နူးဆိုဟှာ ဘုရားရဲ့ ဇာတိတော်ရဲ့ ရှိဟှူမျှ ပ္လဲ့ဇောင်ရှင်းလေဟှို ခရစ်တော်ထဲမာ ကိုယ်ထန်ရှားဘီး ကိန်းဝပ်တော်မူလေဟှယ်။ နန်းနို့လေဟှာ အောက်ချောက်ရှင်း ခွမ့်အာဏာဂူလောင်းရဲ့ ဦးခေါန်းဖြစ်တော်မူဟှူ အယ်သခင်အားဖြင့် ပ္လဲ့ဇောင်ဂေ့ဟှယ်။

အယ်ကြောန့် စားသော့‑က်န ပတ်သတ်ဟှူ ဇာဘဲ့ဖြစ်ဖြစ်၊ ဘာသာရေးပွဲနေ့၊ လဆန်းနေ့၊ ဒန်းနေ့န ပတ်သတ်ဇာဘဲ့ဖြစ်ဖြစ် နန်းနို့လေဟှို ဖယ်သူလေဟှလည်းဘဲ့ စီရင်စေန။ အယ်မူဇာလေဟှာ နော့‑က်တခီမာ ဖြစ်ပေါ်လာမယ့် ဇာလေရဲ့ ရိရောန်မျှဘဲ့ဖြစ်ဘီး ကိုယ်စစ်ဟှ ခရစ်တော်ဘဲ့ဖြစ်ဟှယ်။