Popular Bible Verses from Roma 14

Share

Fali farlan Ratu neluk Rai ma nfarete tomwatar nir momorip e, keta enu tnyame to ubany a nbal. Nempa ma ubany a ne kabanir ma farye: ka tmorip a tlarat Ratu Ni mpempeang, tmorip e tangamon tor tomwatar, ma ka dalminrar rsenang resi fali Ratu Smwangtany nkarya na dalminrar. Fali tomwatar ma rlarat Yesus ninr Ray Silai ma rmorip farane, sir a ne ma rafsenange Ratu dalamy, ma keta tomwatar ralang sir a nbal.

Fali boloka tmorip nre tmat e, iane tlarat lan Ratu Ni mpempeang. Mpa tmorip nre tmat e, dedesar ma teluk Ratu Ni tomwatar.

Mpa ka tareke ma tose kabain ngamonar na ninr momorip nema bise ma tmorip e, tangamon tor tomwatar. Ma tareke nbal ma tulung waninrar ma ralele Yesus nema rtafal ma ralele I.

Mpa wangur, ka kete sa nfasale sa. Nempa ni ngafele e, msyalan fen ngamone mir wewelmpampane nema kete myose kabanir ma rwayat ma wamir ma ralele Yesus rose sale.

Fali na Kitap Lelerap dalam e, rarengi “Ratu ninr Mangnrure nfalak farye: ‘Ni botuan e, tomwatar mpane keta rsatngur na soungwlury, ma tomwatar mpane keta ryoding feti Yakw ye Ratu.’” Mpa keta kit mpane tyoding na Ratu sounlury na safe-safe ma kit tose na saryamprene lo.

Wangur mir kateman, tomwatar ketnir nof kit a ne ralele Yesus ror dalmir tubun motak, mpa to rkaul ral feti safe ma sir rose ne botuan nre tate. Ka mlyangun tomwatar a ne ma nangafel. Boloka nir wewelmpampane to feleles nor a kmi, kete mibangal myor sir a na nir wewelmpampanar a ne.

Kmi monuk to bise ma mfyasale tomwat walyetar ma mfyalak feti rose sale lo. Fali kit monuk ye teluk Ratu Ni mangkaryayar. Mpa lan I ma bise ntetak feti safe ma Ni mangkaryayar rose ne diat nre sale. Nempa Ratu Ni kuase ma ntulung Ni mangkaryayar a ne nema bise ma rose safe ma botuan.