Popular Bible Verses from Roma 13

Share

Ka myose mlyarat Yesus ninr Ray Silai Ni wewelmpampane. Kmi myose farane iane neluk teteri ber a kmi nema tomwatar to bise ma rfasale kmi. Ma kete myose mlyarat tomwatar ma nir adat yatkar a ne nbal. Sir a ne ma dedesar rlarat lan nir makeus yatkar.

Ka kete miutang myof se nre se motak. Ma lan lese ma ka myose dedesar, iane feti ka mikamis a kmi. Fali farlan mikamis a kmi, iane feti kmi myose mlyarat tetetkar ma Ratu nal ber Musa ne.

Wangur, tomwatar mpane ka dedesar ma rose rlarat sir ma reluk mangfaretar ber kit, fali to mangfarete fen lese ma nfarete, farlan Ratu to nal kuase ber i. Ma mangfaretar ma rfarete kit lere ye, Ratu ma ntetak ma sir reluk mangfaretar.

Kit tmorip a na saryamprene ye to dodo lo. Iane farlan nronram a nlie lo ma ketla bobolisin. Mpa ka tate kabain yatkar ma tose kabain ngamonar la tafufu smwangat yatkar nir ulun. Iane farlan tomwatar ma luryain e, rmorip a na makrokap dalam nempa lere ye rmorip a na ngaodir dalam lo. Sir rmorip a na ngaodir dalam farlan suldadwar ma romat mingkar ma raprang la rbangal nir muswar.

Fali tomwate ma nkamis tomwat walyetar, keta i to nose yatak ber sir. Mpa farlan tomwatar sa nkamis tomwat walyetar iane feti i nose nlarat tetetkar monuk ma Ratu nal ber Musa ne lo.

Mpa ka myal ber tomwatar monuk na safe-safe ma ka myal ber sir. Ka mbyayar ulbatyar nre ulbati walyetar ber sir ma ka rlangun ulbatyar a ne, ma ka mimtaut ma myalang tomwatar ma reluk mangfaretar a ne.